ભારતીય જનતા પાર્ટીની સંસદીય-વિધાનસભા બેઠક અમદાવાદમાં યોજાઈ

અમદાવાદમાં ભાજપની સંસદીય-વિધાનસભા બેઠક યોજાઈ! રાષ્ટ્રીય અધ્યક્ષ નીતિન નવીનની ઉપસ્થિતિમાં મુખ્યમંત્રી ભુપેન્દ્ર પટેલ, હર્ષ સંઘવી, જગદીશ વિશ્વકર્માએ જનસંપર્ક, સોશિયલ મીડિયા અને વિકાસ પર ભાર મૂક્યો. ગુજરાતને દેશનું “ગ્રોથ એન્જિન” ગણાવી કાર્યસંસ્કૃતિની પ્રશંસા – વિગતો જુઓ.

ભારતીય જનતા પાર્ટીની સંસદીય-વિધાનસભા બેઠક અમદાવાદમાં યોજાઈ

રાષ્ટ્રીય અધ્યક્ષ નીતિન નવીનજીએ સંબોધનમાં જણાવ્યું કે ગુજરાત ભાજપાની કાર્યપ્રણાલી વર્ષોથી સુવ્યવસ્થિત, સમયબદ્ધ અને દેશ માટે ઉદાહરણરૂપ રહી છે. નરેન્દ્ર મોદી દ્વારા વિકસાવવામાં આવેલી કાર્યસંસ્કૃતિએ ભારતને વૈશ્વિક આર્થિક શક્તિ તરીકે મજબૂત બનાવ્યું હોવાનું તેમણે જણાવ્યું. મજબૂત નેતૃત્વ, સ્પષ્ટ નીતિ અને વિકાસકેન્દ્રિત રાજનીતિને કારણે જનતા ભાજપા પ્રત્યે વિશ્વાસ વ્યક્ત કરી રહી છે, એમ તેમણે ઉમેર્યું.

તેમણે સાંસદો અને ધારાસભ્યોને જનસંપર્ક વધુ સક્રિય બનાવવા, માઇક્રો મેનેજમેન્ટ દ્વારા આયોજનબદ્ધ કામગીરી સુનિશ્ચિત કરવા તેમજ સોશિયલ મીડિયાનો પ્રભાવી ઉપયોગ કરીને કેન્દ્ર-રાજ્ય સરકારની યોજનાઓનો વ્યાપ વધારવા માર્ગદર્શન આપ્યું.

મુખ્યમંત્રી ભુપેન્દ્રભાઈ પટેલે જણાવ્યું કે પ્રધાનમંત્રી નરેન્દ્ર મોદીના નેતૃત્વ હેઠળ ગુજરાત દેશનું “ગ્રોથ એન્જિન” બની રહ્યું છે. ગરીબ અને મધ્યમવર્ગને કેન્દ્રસ્થાને રાખીને યોજનાઓ અમલમાં મૂકી રાજ્ય સર્વાંગી વિકાસના પંથે આગળ વધી રહ્યું છે. નાણાકીય શિસ્ત અને પારદર્શિતાને પ્રાથમિકતા આપતા રાજ્ય સરકાર વિકાસયાત્રાને વધુ ગતિ આપી રહી છે.

પ્રદેશ અધ્યક્ષ જગદીશભાઈ વિશ્વકર્માએ રાષ્ટ્રીય અધ્યક્ષની ગુજરાતની પ્રથમ મુલાકાતને બિહારની વૈચારિક ઊંડાણ અને ગુજરાતની પ્રગતિશીલ દ્રષ્ટિનો સમન્વય ગણાવ્યો. ભાજપા માટે સત્તા નહીં, પરંતુ સેવા, સંકલ્પ અને સંસ્કાર પ્રથમ છે—એમ જણાવતાં તેમણે વિકાસ, પારદર્શિતા અને રાષ્ટ્રહિતને પક્ષની મુખ્ય પ્રાથમિકતા ગણાવી.

નાયબ મુખ્યમંત્રી હર્ષભાઈ સંઘવીએ નીતિન નવીનને “મિલેનિયલ અધ્યક્ષ” તરીકે સંબોધતાં કહ્યું કે તેઓ રેડિયોથી લઈને AI સુધીના ભારતના પરિવર્તનના સાક્ષી રહ્યા છે અને યુવા કાર્યકર્તાઓ માટે પ્રેરણાસ્ત્રોત છે.

Share On Social Media