'રાજકોટનો હું હંમેશા ઋણી રહીશ', PM મોદીએ એરપોર્ટ સહિત અનેક યોજનાઓની ભેટ આપી
વડાપ્રધાન નરેન્દ્ર મોદીએ રાજકોટને એરપોર્ટ સહિત વિવિધ વિકાસ પ્રોજેક્ટની ભેટ આપી હતી. આ પ્રસંગે તેમણે પોતાના સંબોધનમાં રાજકોટ પ્રત્યે આભારની લાગણી વ્યક્ત કરી હતી.
વડાપ્રધાન નરેન્દ્ર મોદીએ આજે રાજકોટના રેસકોર્સ ગ્રાઉન્ડ ખાતે વિવિધ વિકાસ પ્રોજેક્ટનું લોકાર્પણ કર્યું હતું. તેમણે રાજકોટને નવું એરપોર્ટ પણ ભેટ આપ્યું હતું. આ દરમિયાન આયોજિત સભાને સંબોધતા પીએમ મોદીએ કહ્યું કે રાજકોટે મને ઘણું શીખવ્યું છે. રાજકોટે મને પહેલીવાર ધારાસભ્ય બનાવ્યો. તેનાથી મારી રાજકીય કારકિર્દીને લીલીઝંડી મળી છે અને હું હંમેશા રાજકોટનો ઋણી રહીશ.
એરપોર્ટનો ઉલ્લેખ કરતાં તેમણે કહ્યું કે, રાજકોટને માત્ર એરપોર્ટ નહીં પરંતુ નવી ઉર્જા-નવી ઉડાન આપતું પાવરહાઉસ મળ્યું છે. તેમણે કહ્યું કે જ્યારે હું મુખ્યમંત્રી હતો ત્યારે મેં કહ્યું હતું કે ગુજરાત મિની જાપાન બની રહ્યું છે, ત્યારે ઘણા લોકોએ મારી મજાક ઉડાવી હતી, પરંતુ આજે તમે તે શબ્દોને સાચા સાબિત કરી દીધા છે. હવે અહીંના ખેડૂતો માટે તેમના ફળો અને શાકભાજી વિદેશમાં મોકલવામાં સરળતા રહેશે.
પીએમ મોદીએ કહ્યું કે આજનો દિવસ રાજકોટ તેમજ સમગ્ર ગુજરાત અને સૌરાષ્ટ્ર માટે મોટો દિવસ છે. હું એવા પરિવારો પ્રત્યે મારી સંવેદના વ્યક્ત કરવા માંગુ છું જેમણે કુદરતી આફતોને કારણે ઘણું સહન કર્યું છે. ભૂપેન્દ્ર સરકાર શક્ય તેટલી વહેલી તકે તમામ પરિવારોનું જીવન સામાન્ય બનાવવા માટે કામ કરી રહી છે, આમાં કેન્દ્ર સરકાર પણ શક્ય તમામ મદદ કરી રહી છે.
ગુજરાતમાં હવામાન વિભાગની આગાહી મુજબ વિવિધ વિસ્તારોમાં વરસાદ નોંધાયો છે. પોરબંદરમાં રવિવારે બપોરે દેવભૂમિ દ્વારકાના ખંભાળીમાં માત્ર બે કલાકમાં પાંચ ઈંચ જેટલો ભારે વરસાદ વરસ્યો હતો.
નવસારી લોકલ ક્રાઈમ બ્રાન્ચ (LCB) એ લાખો રૂપિયાની મોટી ચોરીના કેસમાં સંડોવાયેલા શકમંદોને પકડીને મહત્વની સફળતા મેળવી છે. નવસારી એલસીબીને ચોરાઉ સળીયા મહારાષ્ટ્રના મનોરથી જયપુર તરફ ટ્રેલરમાં લઈ જવાતી હોવાની બાતમી મળતાં તપાસ શરૂ કરી હતી.
હવામાન વિભાગની આગાહી મુજબ વરસાદી વાતાવરણની શરૂઆત થતા ગુજરાતમાં ચોમાસાનું આગમન થઈ ગયું છે. આગામી પાંચ દિવસમાં, રાજ્યભરમાં હળવાથી મધ્યમ વરસાદની અપેક્ષા છે, અને ઘણા વિસ્તારોમાં 30 થી 40 કિમી પ્રતિ કલાકની ઝડપે પવન ફૂંકાશે. ગઈકાલે, 33 તાલુકાઓમાં વરસાદ નોંધાયો હતો,