ચીન વિવાદ વચ્ચે અમિત શાહ અરુણાચલની મુલાકાત લેશે, આ ખાસ કાર્યક્રમની શરૂઆત કરશે

કેન્દ્રીય ગૃહમંત્રી અમિત શાહ અરુણાચલ પ્રદેશની મુલાકાતે જવાના છે. આ દરમિયાન તેઓ કિબિથુ જશે જે વાસ્તવિક નિયંત્રણ રેખા (એલએસી) પાસે આવેલું છે.આ ગામ વ્યૂહાત્મક રીતે ખૂબ જ મહત્વપૂર્ણ માનવામાં આવે છે. અમિત શાહ આ પ્રવાસ દરમિયાન 'વાઇબ્રન્ટ વિલેજ પ્રોગ્રામ' (VVP) લોન્ચ કરશે.આ કેન્દ્ર પ્રાયોજિત કાર્યક્રમ ગામડાઓના વિકાસ માટે શરૂ કરવામાં આવી રહ્યો છે.

ચીન વિવાદ વચ્ચે અમિત શાહ અરુણાચલની મુલાકાત લેશે, આ ખાસ કાર્યક્રમની શરૂઆત કરશે

ચીન વિવાદ વચ્ચે અમિત શાહની આ મુલાકાત ઘણી મહત્વપૂર્ણ માનવામાં આવે છે, જેમાં તેઓ ગામના વિકાસ માટે એક ખાસ કાર્યક્રમ શરૂ કરશે.

કેન્દ્રીય ગૃહમંત્રી અમિત શાહ અરુણાચલ પ્રદેશની મુલાકાતે જવાના છે. આ દરમિયાન તેઓ કિબિથુ જશે જે વાસ્તવિક નિયંત્રણ રેખા (એલએસી) પાસે આવેલું છે.આ ગામ વ્યૂહાત્મક રીતે ખૂબ જ મહત્વપૂર્ણ માનવામાં આવે છે. અમિત શાહ આ પ્રવાસ દરમિયાન 'વાઇબ્રન્ટ વિલેજ પ્રોગ્રામ' (VVP) લોન્ચ કરશે.આ કેન્દ્ર પ્રાયોજિત કાર્યક્રમ ગામડાઓના વિકાસ માટે શરૂ કરવામાં આવી રહ્યો છે.

અમિત શાહની મુલાકાત અંગે માહિતી આપતા કેન્દ્રીય ગૃહ મંત્રાલયે જણાવ્યું કે અમિત શાહ 11 અને 12 તારીખે અરુણાચલ પ્રદેશના પ્રવાસે હશે. વાસ્તવમાં, આ કાર્યક્રમ હેઠળ, ઉત્તરીય સરહદને અડીને આવેલા રાજ્યોના 2967 ગામોની ઓળખ કરવામાં આવી છે જેનો વિકાસ કરવામાં આવશે. પ્રથમ તબક્કામાં પસંદ કરાયેલા 662 ગામોમાંથી આંધ્રપ્રદેશના 455 ગામોનો પણ સમાવેશ થાય છે.

અમિત શાહની મુલાકાત એવા સમયે થઈ રહી છે જ્યારે હાલમાં જ સમાચાર આવ્યા હતા કે ચીને અરુણાચલ પ્રદેશમાં 11 સ્થળોના નામ બદલી નાખ્યા છે. આ 11 સ્થળોમાં બે જમીન વિસ્તાર, બે રહેણાંક વિસ્તાર, બે નદીઓ અને પાંચ પર્વત શિખરોનો સમાવેશ થાય છે. આ અંગે માહિતી આપતાં ચીનના નાગરિક મંત્રાલયે 11 સ્થળોના નવા નામ જાહેર કર્યા હતા. તે જ સમયે, ભારતે ચીનના આ પગલાની ટીકા કરી હતી અને અરુણાચલ પ્રદેશને ભારતનો અભિન્ન અને અવિભાજ્ય હિસ્સો ગણાવ્યો હતો.

વાસ્તવમાં ચીન અરુણાચલ પ્રદેશ પર દાવો કરી રહ્યું છે. આ જ કારણ છે કે તે વારંવાર અરુણાચલ પ્રદેશના સ્થળોના નામ બદલવાની કોશિશ કરે છે. જોકે ભારતે દર વખતે આ પ્રયાસને ફગાવી દીધો છે. તે જ સમયે, ચીન તરફથી નામ બદલવાનો આ પહેલો મામલો નથી. અગાઉ વર્ષ 2017 અને 2021માં ચીને આવા પ્રયાસો કર્યા હતા. ત્યાર બાદ 2017માં 6 જગ્યાના નવા નામ અને 2021માં 15 જગ્યાના નામ જારી કરવામાં આવ્યા હતા.

Share On Social Media