“ડ્રગ્સથી આઝાદી” કાર્યક્રમની જાહેરાત: બ્રિજરાજ સોલંકીએ કહ્યું – ભાજપ સરકાર યુવા વિરોધી છે, યુવાનોને રોજગાર નહીં ડ્રગ્સ આપે છે

AAP ગુજરાતે “ડ્રગ્સથી આઝાદી” ઝુંબેશ શરૂ કરી: પ્રદેશ યુવા પ્રમુખ બ્રિજરાજ સોલંકીએ જાહેરાત કરી – 6 વર્ષમાં 1.30 લાખ કિલો ડ્રગ્સ ઝડપાયું, યુવાધન બરબાદ થઈ રહ્યું. ઈસુદાન ગઢવી, ગોપાલ ઇટાલીયા, ચૈતર વસાવાની આગેવાનીમાં જિલ્લે-તાલુકે-ગામડે અભિયાન. એસપી કચેરી-પાનગલ્લામાં ડ્રગ્સ વેચાય છે, હોમ ડિલિવરી થાય છે. વિગતો જુઓ.

“ડ્રગ્સથી આઝાદી” કાર્યક્રમની જાહેરાત: બ્રિજરાજ સોલંકીએ કહ્યું – ભાજપ સરકાર યુવા વિરોધી છે, યુવાનોને રોજગાર નહીં ડ્રગ્સ આપે છે

અમદાવાદ/ગુજરાત : આમ આદમી પાર્ટીના પ્રદેશ યુવા પ્રમુખ બ્રિજરાજ સોલંકીએ એક ગંભીર મુદ્દા પર પોતાની વાત રજૂ કરતા જણાવ્યું હતું કે, ગુજરાતમાં છેલ્લા છ વર્ષમાં 1.30 લાખ કિલો ડ્રગ્સ ગુજરાતમાંથી ઝડપાયું છે. 70 હજાર કિલોથી વધારેનો ગાંજો અને 62 હજાર કિલોથી વધારેનું અફીણ ગુજરાતમાંથી પકડાયું છે. ગુજરાતનું યુવાધન દિવસેને દિવસે બરબાદ થઈ રહ્યું છે. મુન્દ્રા પોર્ટ, કંડલા પોર્ટ, પોરબંદર પોર્ટ, ગાંધીધામ પોર્ટ જેવા તમામ પોર્ટોમાં હજારો કરોડો રૂપિયાનું ડ્રગ્સ પકડાય છે. મારું માનવું છે કે અમુક ટકા ડ્રગ્સ પકડીને સરકાર વાહવાહી ઈચ્છે છે, પણ પડદા પાછળ બીજા અબજો રૂપિયાનું ડ્રગ્સ ગુજરાતમાં ફેલાઈ રહ્યું છે. જનતાએ હવે જાગૃત થવું પડશે કારણ કે નાની ઉંમરની દીકરીઓ ડ્રગ્સના કારણે વિધવા બને છે અને નાના બાળકો અનાથ બની જાય છે. ગુજરાતમાં 50 લાખથી વધારે શિક્ષિત યુવાનો બેરોજગાર છે અને આ યુવાનો રોજગારી ન માંગે એ કારણે સરકાર ડ્રગ્સ માફિયાઓને પ્રોત્સાહન આપી રહી હોય એવું લાગી રહ્યું છે. એસપી કચેરી, પાનના ગલ્લાઓમાં ડ્રગ વેચાય છે અને હોમ ડિલિવરી પણ થઈ રહી છે. પંજાબને ઉડતા પંજાબ કહેવાતું હતું પરંતુ આમ આદમી પાર્ટીના મુખ્યમંત્રી ભગવંત માન સાહેબની સરકારમાં ડ્રગ્સ માફિયાઓને નેસ્તનાબૂદ કરવાનું કામ કરવામાં આવ્યું હતું અને આવું જ કામ ગુજરાતમાં પણ થઈ શકે એમ છે, પરંતુ યુવાનો રોજગારી ન માંગે એ માટે યુવાનોને ડ્રગ્સના રવાડે ચડાવવામાં આવી રહ્યા છે.

વધુમાં AAP નેતા બ્રિજરાજ સોલંકીએ જણાવ્યું હતું કે, તો ડ્રગ્સ મુદ્દે હવે આમ આદમી પાર્ટી પોતાના પ્રદેશ નેતા ઈસુદાન ગઢવી, ગોપાલ ઇટાલીયા, ચૈતર વસાવા, હેમંત ખવા અને  મનોજ સોરઠીયાની આગેવાનીમાં એક ઝુંબેશ ઉપાડવા જઈ રહી છે, આ ઝુંબેશનું નામ છે “ડ્રગ્સથી આઝાદી”. અમે જીલ્લે જીલ્લે જઈશું, તાલુકે તાલુકે જઈશું અને ગુજરાતના 16,000થી પણ વધારે ગામડાઓમાં આ નારો લઈને જઈશું અને યુવાનોને ડ્રગ્સથી આઝાદી અપાવીને રહીશું. ગુજરાતના યુવાનો સક્ષમ છે કે તેઓ કંઈ પણ કરી શકે છે.  ગુજરાતમાં ભાજપની સરકાર યુવા વિરોધી સરકાર છે. સાઇબર ક્રાઇમ, ગેમ્બલિંગ, ગેમિંગ જેવા અનેક મુદ્દાઓથી યુવાનો ત્રાહિમામ પોકારી ચૂક્યા છે. દિવસેને દિવસે યુવાનો આત્મહત્યા તરફ વળી રહ્યા છે. તો હું તમામ યુવાનોને કહેવા માંગીશ કે આમ આદમી પાર્ટી યુવાનોની પાર્ટી છે અને આપણે સાથે મળીને યુવાનોની સરકાર બનાવવાની છે. તો આપણે સૌએ સાથે મળીને નાત જાત, જાતિ ધર્મ અને ભાષા જેવા તમામ ભેદભાવને ભૂલીને એકજૂટ થઈ ગુજરાતમાં ડ્રગ્સ માફિયાને નેસ્તનાબૂદ કરવાના છે. પાકિસ્તાન સહિત બીજા દેશોમાંથી જે ડ્રગ્સ ભારતમાં આવી રહ્યું અને ગુજરાત તેનું એપી સેન્ટર બની ગયું છે, ત્યારે સરકાર એને રોકવામાં એકદમ નિષ્ફળ સાબિત થઈ છે. તો આવનારા દિવસોમાં જરૂરત પડી તો આપણે ગાંધી ચિંધ્યા માર્ગે ગાંધીનગર જઈને વિધાનસભા પણ ઘેરીશું.

આમ આદમી પાર્ટી ગુજરાત

Share On Social Media