બહુવિધ બેંક ખાતાઓના એકાઉન્ટ મેનેજમેન્ટ માટે એક્સિસ બેંકે તેની મોબાઇલ એપ્લિકેશન પર ‘વન-વ્યૂ’ સુવિધા શરૂ કરી

એકાઉન્ટ એગ્રીગેટર ઇકોસિસ્ટમનો ઉપયોગ કરીને નવા જમાનાની બેંકિંગ સુવિધા શરૂ કરનાર પ્રથમ ખાનગી ક્ષેત્રની બેંક, ગ્રાહકોને તેમના નોન-એક્સિસ બેંક એકાઉન્ટને લિંક કરવાની અને તેમના બેલેન્સ અને ટ્રાન્ઝેક્શન સ્ટેટમેન્ટ એક જ જગ્યાએ જોવાની મંજૂરી આપે છે, ‘વન-વ્યૂ’ ઓપન બેંકિંગના સિદ્ધાંતોને કેન્દ્રમાં રાખીને બનાવવામાં આવેલી સુવિધા છે, માહિતી શેર કરવાની સુરક્ષિત રીત જેમાં ગ્રાહકની સંમતિ અને ડેટા ગોપનીયતાને તેની મુખ્ય ડિઝાઇન સિદ્ધાંતો તરીકે પ્રાધાન્ય આપે છે.

બહુવિધ બેંક ખાતાઓના એકાઉન્ટ મેનેજમેન્ટ માટે એક્સિસ બેંકે તેની મોબાઇલ એપ્લિકેશન પર ‘વન-વ્યૂ’ સુવિધા શરૂ કરી

ખાનગી ક્ષેત્રની સૌથી મોટી બેંકોમાંની એક એક્સિસ બેંકે આજે પોતાની એક્સિસ મોબાઈલ એપ્લિકેશન
પર તેની નવીનતમ સુવિધા, 'વન-વ્યૂ' લોન્ચ કરવાની જાહેરાત કરી છે. એક્સિસ બેંક એ ખાનગી ક્ષેત્રની પ્રથમ બેંક છે જેણે તેના ગ્રાહકો માટે સરળતા સભર બેંકિંગ અનુભવ કરાવવા માટે એકાઉન્ટ એગ્રીગેટર ઇકોસિસ્ટમનો લાભ લઇને આ નવા જમાનાની બેંકિંગ સુવિધા રજૂ કરી છે. આ સુવિધા ગ્રાહકોને એક જ પ્લેટફોર્મ પર બહુવિધ બેંક એકાઉન્ટ્સની જોવાની સુવિધા પ્રદાન કરીને, તેમને તેમના બેલેન્સ અને રીઅલ-ટાઇમ ધોરણે ખર્ચને ટ્રૅક કરવામાં સક્ષમ બનાવીને, ગ્રાહકો માટે નાણાંનું સંચાલન કરવાની પ્રક્રિયાને સરળ બનાવે છે.

ગ્રાહકો માટે આ છે મુખ્ય લાભો:

• એક્સિસ મોબાઇલ એપ્લિકેશનમાં તેમના નોન-એક્સિસ બેંક એકાઉન્ટ્સને લિંક કરવા માટે ખૂબ જ સરળતા સભર ઓનબોર્ડિંગ પ્રક્રિયા પૂરી પાડે છે
• બહુવિધ બેંક ખાતાઓમાં તેમના ખાતાના બેલેન્સ અને ટ્રાન્ઝેક્શન સ્ટેટમેન્ટ્સનું વ્યાપક દૃશ્ય જોવા મળે છે
• એક થી વધુ મોબાઇલ બેંકિંગ એપ્લિકેશન્સનું સંચાલન કરવાની જરૂરિયાતને દૂર કરે છે
• ગ્રાહકોને તેમના લિંક કરેલ એકાઉન્ટમાંથી વ્યવહારની વિગતો ડાઉનલોડ અને ઈમેલ કરવાની મંજૂરી આપે છે
• ગ્રાહકો તેમની સુવિધા અનુસાર કોઈપણ સિંગલ અથવા તમામ નોન-એક્સિસ બેંક એકાઉન્ટને ડીલિંક કરી શકે છે
• એકાઉન્ટ એગ્રીગેટર માહિતી શેર કરવાની એક સુરક્ષિત રીત પ્રદાન કરે છે જેમાં ગ્રાહકની સંમતિ અને ડેટા ગોપનીયતા તેના મુખ્ય ડિઝાઇન સિદ્ધાંતો તરીકે છે.

આ લોન્ચ પર બોલતાં, એક્સિસ બેંકના પ્રેસિડેન્ટ અને હેડ - ડિજિટલ બિઝનેસ એન્ડ ટ્રાન્સફોર્મેશન, સમીર શેટ્ટીએ જણાવ્યું હતું કે, 'એક્સિસ બેંક' ઓપન બેંકિંગની શક્તિમાં વિશ્વાસ રાખે છે અને અમે એવી ડિજિટલ-ફર્સ્ટ પ્રોડક્ટ્સમાં સતત રોકાણ કરીએ છીએ જે ગ્રાહકોની જરૂરિયાતોને પૂરી પાડવા માટે સક્ષમ હોય. આ પ્રયાસમાં, અમે એકાઉન્ટ એગ્રીગેટર ઇકોસિસ્ટમનો લાભ લઇને એક્સિસ મોબાઇલ એપ પર ‘વન-વ્યૂ’ સુવિધા શરૂ કરવા માટે ઉત્સાહિત છીએ. આ દરખાસ્ત સરળતા સભર બેન્કિંગ અનુભવ પ્રદાન કરે છે અને બહુવિધ મોબાઇલ બેન્કિંગ એપ્લિકેશન્સની જરૂરિયાતને દૂર કરીને ગ્રાહકોને સુવિધા પૂરી પાડે છે. અમે માનીએ છીએ કે આ પરિવર્તનકારી છે અને બેંકિંગના ભવિષ્ય તરફ એક વિશેષ પગલું છે.

“એકાઉન્ટ એગ્રીગેટર ફ્રેમવર્ક એ એક શક્તિશાળી સુવિધા છે જે ઝડપથી વધી રહી છે અને એક્સિસ બેન્ક ઇકોસિસ્ટમમાં પ્રારંભિક રોકાણકાર રહી છે. આનાથી બેંકને તેના AA ફ્રેમવર્કને કાર્યરત કરવા અને ગ્રાહકોને મૈત્રીપૂર્ણ અને સરળતા સભર અનુભવ પ્રદાન કરવા માટે ટેક સ્ટેક બનાવવામાં મદદ મળી છે. બેંક એકાઉન્ટ એગ્રીગેટરની આધુનિક સુવિધા દ્વારા વ્યક્તિગત લોન, ક્રેડિટ કાર્ડ, ઓટો લોન અને નાના બિઝનેસ લોન ઓફર કરે છે. તે ત્વરિત લોન પૂરી પાડે છે જે હાલના અને નવા ગ્રાહકો માટે સંપૂર્ણપણે ડિજિટલ અને પેપરલેસ છે. માહિતી વિશ્વસનીય સ્ત્રોતમાંથી આવે છે અને તે સંપૂર્ણપણે ડિજિટલ છે, જે ગ્રાહકને આનંદ અને કાર્યકારી કાર્યક્ષમતાનો અનુભવ કરાવે છે તેવું સમીર શેટ્ટીએ વધુમાં ઉમેર્યું હતું.

એક્સિસ બેંકની મોબાઈલ એપ એ ૪.૮ સ્ટારના પ્રભાવશાળી સરેરાશ રેટિંગ સાથે, Google Play Store પર સૌથી વધુ રેટિંગ ધરાવતી મોબાઈલ બેંકિંગ એપ * બનવાનું ગૌરવ પ્રાપ્ત કર્યું છે. વન-વ્યૂ ફીચરનો ઉમેરો એ ગ્રાહક-કેન્દ્રિત નવીનતામાં વધુ એક મહત્વપૂર્ણ સીમાચિહ્નરૂપ છે, કારણ કે તે ગ્રાહકોને તેમની તમામ બેંકિંગ જરૂરિયાતોને એક જ પ્લેટફોર્મ દ્વારા સરળતાથી ઍક્સેસ કરવાની સરળતા અને સુવિધા પૂરી પાડે છે.

*ગુગલ પ્લે સ્ટોર પર 59 વૈશ્વિક બેંકો, 8 વૈશ્વિક નિયો બેંકો અને 50 ભારતીય ફિનટેક એપ્સમાં ૨ મિલિયનથી વધુ રિવ્યુ ધરાવે છે.

Share On Social Media