બેંક ઓફ ઈન્ડિયાએ ૧૧મા આંતરરાષ્ટ્રીય યોગ દિવસ (IDY)ની ઉજવણી કરી

બેંક ઓફ ઈન્ડિયા દ્વારા 21 જૂન 2025ના રોજ પૂરા ઉત્સાહ અને ઉમંગ સાથે 11મો આંતરરાષ્ટ્રીય યોગ દિવસ (IDY) ઉજવવામાં આવ્યો હતો. 

બેંક ઓફ ઈન્ડિયાએ ૧૧મા આંતરરાષ્ટ્રીય યોગ દિવસ (IDY)ની ઉજવણી કરી

બેંક ઓફ ઈન્ડિયા દ્વારા 21 જૂન 2025ના રોજ પૂરા ઉત્સાહ અને ઉમંગ સાથે 11મો આંતરરાષ્ટ્રીય યોગ દિવસ (IDY) ઉજવવામાં આવ્યો હતો. સરકારના કોમન યોગ પ્રોટોકોલ (CYP) પર આધારિત સામૂહિક યોગ પ્રદર્શનોનું આયોજન દેશભરની તમામ ઝોનલ ઓફિસ, ફિલ્ડ જનરલ મેનેજર ઓફિસ, અન્ય સંસ્થાઓ અને અમારા વિદેશી કેન્દ્રોમાં પણ કરવામાં આવ્યું હતું, જેમાં બેંકના સ્ટાફ અને ગ્રાહકોએ મોટી સંખ્યામાં ભાગ લીધો હતો. 

મુંબઈના BKCમાં બેંકના હેડ ક્વાર્ટરમાં આયોજિત કાર્યક્રમનું નેતૃત્વ મેનેજિંગ ડિરેક્ટર અને સીઈઓ શ્રી રજનીશ કર્નાટક દ્વારા કરવામાં આવ્યું હતું, જેમાં એક્ઝિક્યુટિવ ડિરેક્ટર્સ, ચીફ જનરલ મેનેજર્સ, જનરલ મેનેજર્સ અને સ્ટાફના સભ્યોની સક્રિય ભાગીદારી હતી.હેડ ક્વાર્ટર ખાતે યોગ પ્રદર્શનનું સંચાલન મુંબઈના પ્રખ્યાત યોગ શિક્ષિકા શ્રીમતી કંચન ભોંસલે દ્વારા કરવામાં આવ્યું હતું. મેનેજિંગ ડિરેક્ટર અને સીઈઓ શ્રી રજનીશ કર્નાટકે તેમના સંબોધનમાં જણાવ્યું હતું કે "યોગ માત્ર શારીરિક કસરત નથી પરંતુ એક સર્વાંગી અભ્યાસ છે, જે માનસિક સ્પષ્ટતા, 
શારીરિક તાકાત અને આધ્યાત્મિક વિકાસને પ્રોત્સાહન આપે છે. આ કાર્યક્રમ પાછળનો અમારો હેતુ દરેકને યોગની પરિવર્તનશીલ શક્તિનો અનુભવ કરવા માટે પ્રોત્સાહિત કરવાનો છે." તેમણે તમામ સહભાગીઓને યોગને પોતાની જીવનશૈલી બનાવવા અને તેમના પરિવાર, મિત્રો, સહકાર્યકરો અને ગ્રાહકોમાં તેનો પ્રચાર કરવા વિનંતી કરી હતી.

તેમનો અભિપ્રાય હતો કે, એક પ્રાચીન ભારતીય પરંપરા તરીકે યોગ, સરહદો પાર કરી ગયું છે અને એક વૈશ્વિક પરિબળ બની ગયું છે. તેનું મહત્વ ફક્ત શારીરિક મુદ્રાઓ અને કસરતોમાં જ નથી પરંતુ આપણી માનસિક અને આધ્યાત્મિક સુખાકારીમાં પણ ઊંડાણપૂર્વક વ્યાપેલું છે. વિશ્વભરમાં યોગના ફાયદા વિશે જાગૃતિ ફેલાવવાના પ્રયાસો બદલ તેમણે આપણા માનનીય પ્રધાનમંત્રી અને ભારત સરકારનો આભાર પણ વ્યક્ત કર્યો.

Share On Social Media