Budget 2025: વીમા ક્ષેત્રમાં વિદેશી રોકાણકારો માટે દરવાજા સંપૂર્ણપણે ખુલ્લા

બજેટ 2025 માં, વીમા ક્ષેત્રને બૂસ્ટર ડોઝ આપવા માટે કામ કરવામાં આવ્યું છે. નાણામંત્રી નિર્મલા સીતારમણે આજે એટલે કે શનિવારે સંસદમાં બજેટ રજૂ કરતી વખતે વીમા ક્ષેત્ર માટે મોટી જાહેરાત કરી છે.

Budget 2025: વીમા ક્ષેત્રમાં વિદેશી રોકાણકારો માટે દરવાજા સંપૂર્ણપણે ખુલ્લા

બજેટ 2025 માં, વીમા ક્ષેત્રને બૂસ્ટર ડોઝ આપવા માટે કામ કરવામાં આવ્યું છે. નાણામંત્રી નિર્મલા સીતારમણે આજે એટલે કે શનિવારે સંસદમાં બજેટ રજૂ કરતી વખતે વીમા ક્ષેત્ર માટે મોટી જાહેરાત કરી છે. નાણામંત્રી સીતારમણે 2025-26ના બજેટમાં વીમા ક્ષેત્ર માટે FDI મર્યાદા વધારીને 100 ટકા કરી છે. પહેલા આ મર્યાદા 74 ટકા હતી. નાણામંત્રીની આ જાહેરાત બાદ વિદેશી રોકાણકારો માટે વીમા ક્ષેત્રમાં રોકાણ કરવા માટેના દરવાજા સંપૂર્ણપણે ખુલી જશે.

નાણાપ્રધાન સીતારમણે બજેટ ભાષણમાં કહ્યું હતું કે વીમા ક્ષેત્રમાં વિદેશી રોકાણ સંબંધિત હાલની મર્યાદાઓ અને શરતોની સમીક્ષા કરવામાં આવશે અને જો જરૂર પડશે તો તેને વધુ સરળ બનાવવામાં આવશે. નાણામંત્રીની આ જાહેરાત બાદ, આવનારા સમયમાં વીમા ક્ષેત્રની તમામ કંપનીઓને ફાયદો થશે.

વીમા ક્ષેત્ર માટે 100 ટકા એફડીઆઈ મર્યાદા અંગે, નાણામંત્રીએ કહ્યું કે આ વધેલી મર્યાદા તે કંપનીઓને આપવામાં આવશે જે સમગ્ર પ્રીમિયમ ભારતમાં રોકાણ કરે છે.
પેન્શન પ્રોડક્ટ્સ માટે એક મહત્વપૂર્ણ ફોરમ બનાવવાની પણ વાત કરવામાં આવી છે. નાણાપ્રધાન સીતારમણે જણાવ્યું હતું કે પેન્શન ઉત્પાદનોના નિયમનકારી સંકલન અને વિકાસ માટે એક ફોરમ બનાવવામાં આવશે. આ ઉપરાંત, KYC પ્રક્રિયા પણ સરળ બનાવવામાં આવશે. નાણાપ્રધાને કહ્યું કે સંશોધિત સેન્ટ્રલ કેવાયસી રજિસ્ટ્રી 2025માં શરૂ કરવામાં આવશે.

Share On Social Media