૧૯મી વખત AMA એઆઈએમએનો બેસ્ટ લોકલ મેનેજમેન્ટ એસોસિએશનનો એવોર્ડ કેટેગરી-૧ જીત્યું
અમદાવાદ મેનેજમેન્ટ એસોસિએશન (એએમએ) ભારતમાં મેનેજમેન્ટ પ્રોફેશનની રાષ્ટ્રીય સર્વોચ્ચ સંસ્થા, ઓલ ઈન્ડિયા મેનેજમેન્ટ એસોસિએશનના પ્રમોટર અને સ્થાપક-સભ્યો પૈકીમાનું એક છે. દર વર્ષે એઆઈએમએ લોકલ મેનેજમેન્ટ એસોસિએશન્સને "બેસ્ટ લોકલ મેનેજમેન્ટ એસોસિએશન એવોર્ડ" એનાયત કરે છે.
૧૯મી વખત AMA એઆઈએમએનો બેસ્ટ લોકલ મેનેજમેન્ટ એસોસિએશનનો એવોર્ડ કેટેગરી-૧ જીત્યું
અમને એ જણાવતા ખૂબ જ આનંદ થાય છે કે નવી દિલ્હી ખાતે આયોજિત એઆઈએમએના ૫૦મા નેશનલ મેનેજમેન્ટ કન્વેન્શન 'વાઇબ્રન્ટ ઇન્ડિયાઃ રિઇમેજિંગ ધ ઇન્ડિયન ડ્રીમ' દરમિયાન ૨૭મી સપ્ટેમ્બર, ૨૦૨૩ના રોજ પ્રતિષ્ઠિત વક્તાઓ, સીઈઓ, મંત્રીઓ અને વિચારશીલ નેતાઓ ઉપસ્થિતિમાં અમદાવાદ મેનેજમેન્ટ એસોસિએશનને એઆઈએમએનો શ્રેષ્ઠ સ્થાનિક મેનેજમેન્ટ એસોસિએશનનો એવોર્ડ ૨૦૨૨- ૨૦૨૩ એનાયત કરવામાં આવ્યો હતો. આ સાથે, એએમએ વ્યાવસાયિક સંચાલનમાં તેના ઉત્કૃષ્ટ યોગદાન માટે ૧૯૯૦થી ૨૦૨૩ દરમિયાન ૧૯ વખત એઆઈએમએ દ્રારા શ્રેષ્ઠ સ્થાનિક મેનેજમેન્ટ એસોસિયેશન એવોર્ડ કેટેગરી-૧ જીત્યું છે.
મુખ્ય અતિથિ શ્રી એસ. સોમનાથ – સેક્રેટરી,ડીપાર્ટમેન્ટ ઓફ સ્પેસ અને ચેરમેન, ઈસરો, સ્પેસ કમિશન દ્રારા એએમએના તાત્કાલિક ભૂતપૂર્વ પ્રમુખ શ્રી દિવ્યેશ રાડિયા; એઆઈએમએ અને એએમએના ભૂતપૂર્વ પ્રમુખ શ્રી રાજીવ વસ્તુપાલ; અને એએમએના એક્ઝિક્યુટિવ ડાયરેક્ટર શ્રી ઉન્મેષ દીક્ષિતને એવોર્ડ અર્પણ કરવામાં આવ્યો હતો. એએમએ ડૉ. વિક્રમ સારાભાઈના વારસાને આગળ ધપાવવા અને અને મેનેજમેન્ટ ક્ષેત્રે શ્રેષ્ઠતા પ્રાપ્ત કરવા માટે માટે કટીબધ્ધ છે.
કૃપા કરીને એવોર્ડ સેરેમનીની ઝલક માટે જોડાયેલ ફોટોગ્રાફ જુઓ. વધુ વિગતો માટે કૃપા કરીને અમને ૦૭૯-૨૬૩૦૮૬૦૧ પર કૉલ કરો અથવા અમારી વેબસાઇટની મુલાકાત લો: www.amaindia.org
Share On Social Media
અન્ય સમાચારો પણ છે...
ગુજરાત બનશે AIનું ગ્લોબલ સેન્ટર: મુખ્યમંત્રી ભૂપેન્દ્ર પટેલનો યુવા સ્ટાર્ટઅપ્સ સાથે અનોખો સંવાદ
મુખ્યમંત્રી શ્રી ભૂપેન્દ્ર પટેલના વિઝન સાથે ગુજરાત હવે AI ઈનોવેશન હબ બનવા તરફ પ્રયાણ કરી રહ્યું છે. ગાંધીનગર ખાતે યોજાયેલા AI સંવાદમાં મુખ્યમંત્રીએ દેશના ટોચના 24 સ્ટાર્ટઅપ્સ સાથે મુલાકાત કરી હતી. રાજ્યના સાયન્સ એન્ડ ટેક્નોલોજી વિભાગે Sarvam.ai સાથે ગુજરાતમાં Sovereign AI પાર્ક સ્થાપવા માટે MOU કર્યા છે.
મુસાફરોની સુવિધામાં વધારો: ગાંધીનગરથી 182 નવીન એસ.ટી. બસોને હર્ષ સંઘવી અને સીએમએ આપી લીલી ઝંડી
ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા જનસેવાની પ્રતિબદ્ધતા દોહરાવતા 182 નવીન બસોનું લોકાર્પણ કરવામાં આવ્યું છે. ગાંધીનગર ખાતે આયોજિત સમારોહમાં મુખ્યમંત્રી શ્રી ભૂપેન્દ્ર પટેલ અને નાયબ મુખ્યમંત્રી શ્રી હર્ષ સંઘવીએ રાજ્યની તમામ 182 વિધાનસભા બેઠકો માટે ફાળવવામાં આવેલી આ બસોને લીલી ઝંડી આપી પ્રસ્થાન કરાવ્યું હતું.
આત્મનિર્ભર ગુજરાત: કારીગરો માટે 'સ્વદેશી મોલ' અને ડિજિટલ સહાયની જાહેરાત
ગુજરાત સરકારે વર્ષ ૨૦૨૬-૨૭ માટે કુટીર અને ગ્રામોદ્યોગ વિભાગનું રૂ. ૯૭૯ કરોડનું બજેટ રજૂ કર્યું છે. જેમાં 'સ્વદેશી મોલ', ODOP અને કારીગરો માટે ડિજિટલ સહાય જેવી મુખ્ય જાહેરાતો કરવામાં આવી છે.
