કોંગ્રેસની શરૂઆતથી જ વિચારસરણી વિદેશીઓ, દલિત અને પછાત વર્ગને સમાન નથી માનતી... વાશિમમાં પીએમ મોદીનો પ્રહાર

વડાપ્રધાન મોદીએ કહ્યું કે, દેશને વિભાજિત કરવાના તેના એજન્ડામાં નિષ્ફળ જવાના ડરથી કોંગ્રેસ અમને એકબીજાની સામે ઉભા કરી રહી છે. જેઓ ભારતને પ્રગતિ કરતા રોકવા માગે છે તેઓ કોંગ્રેસના ખતરનાક એજન્ડાને સમર્થન આપી રહ્યા છે.

કોંગ્રેસની શરૂઆતથી જ વિચારસરણી વિદેશીઓ, દલિત અને પછાત વર્ગને સમાન નથી માનતી... વાશિમમાં પીએમ મોદીનો પ્રહાર

વડા પ્રધાન નરેન્દ્ર મોદીએ મહારાષ્ટ્રના વાશિમમાં એક વિશાળ જનસભાને સંબોધિત કરતા કોંગ્રેસ અને મહા અઘાડી પર આકરા પ્રહારો કર્યા હતા. તેમણે કહ્યું કે કોંગ્રેસ અને મહા અઘાડી દલિતો અને પછાત લોકોનું અપમાન કરે છે. કોંગ્રેસ માત્ર ગરીબોને લૂંટવા માંગે છે. કોંગ્રેસ શહેરી નક્સલવાદીઓની ટોળકી ચલાવી રહી છે. આ લોકો દેશને પ્રગતિ કરતા રોકવા માંગે છે.

પીએમ મોદીએ કહ્યું કે કોંગ્રેસ દેશના ભાગલા પાડવાના પોતાના એજન્ડામાં નિષ્ફળ જવાના ડરથી અમને એકબીજાની સામે ઉભા કરી રહી છે. જેઓ ભારતને પ્રગતિ કરતા રોકવા માગે છે તેઓ કોંગ્રેસના ખતરનાક એજન્ડાને સમર્થન આપી રહ્યા છે. આ લોકો ડ્રગના પૈસાથી ચૂંટણી જીતવા માંગે છે. દિલ્હીમાં હજારો કરોડનું ડ્રગ્સ ઝડપાયું હતું. તેમાં કોંગ્રેસના નેતાઓ સામેલ છે. કોંગ્રેસથી સાવચેત રહેવાની જરૂર છે.

કોંગ્રેસની વિચારસરણી શરૂઆતથી જ વિદેશી હતી

વડાપ્રધાન મોદીએ કહ્યું કે કોંગ્રેસની વિચારસરણી શરૂઆતથી જ વિદેશી રહી છે. બ્રિટિશ શાસનની જેમ આ કોંગ્રેસી પરિવારો પણ દલિત, પછાત વર્ગ અને આદિવાસીઓને પોતાના સમાન ગણતા નથી. તેઓને લાગે છે કે ભારતમાં ફક્ત એક જ પરિવાર દ્વારા શાસન કરવું જોઈએ, તેથી તેઓ હંમેશા બંજારા સમુદાય પ્રત્યે અપમાનજનક વલણ જાળવી રાખે છે.

Share On Social Media