GCCI દ્વારા “ડિકોડિંગ યુનિયન બજેટ 2026 – વ્યાપાર માટેના મુખ્ય નિષ્કર્ષ” વિષયક સત્રનું આયોજન

GCCI દ્વારા Deloitte India સાથે “ડિકોડિંગ યુનિયન બજેટ 2026” સત્ર યોજાયું: હેમલ મહેતા, રાજીવ બજોરિયા અને હાર્દિક શાહે MSME, કોર્પોરેટ ટેક્સ, GST, ઇન્ફ્રાસ્ટ્રક્ચર, રેર અર્થ કોરિડોર અને વિકસિત ભારત વિઝન 2047 પર વિસ્તૃત ચર્ચા કરી. પ્રશ્નોત્તરી સત્ર પણ માહિતીસભર રહ્યું. વિગતો જુઓ.

GCCI દ્વારા “ડિકોડિંગ યુનિયન બજેટ 2026 – વ્યાપાર માટેના મુખ્ય નિષ્કર્ષ” વિષયક સત્રનું આયોજન

GCCI દ્વારા “ડિકોડિંગ યુનિયન બજેટ 2026 – વ્યાપાર માટેના મુખ્ય નિષ્કર્ષ” વિષયક સત્રનું આયોજન Deloitte India સાથે સંયુક્ત રીતે 3 ફેબ્રુઆરી 2026 ના રોજ કર્યું હતું. આ પ્રસંગે નિષ્ણાત વક્તા તરીકે Deloitte પાર્ટનર્સ શ્રી હેમલ મહેતા, શ્રી રાજીવ બજોરિયા અને શ્રી હાર્દિક શાહ ઉપસ્થિત રહ્યા હતા.

આ પ્રસંગે સ્વાગત પ્રવચન કરતા GCCI ડાયરેક્ટ ટેક્સ ટાસ્કફોર્સ ચેરમેન, સી.એ. ડૉ. જૈનિક વકીલે નિષ્ણાત મહેમાન વક્તા શ્રી હેમલ મહેતા, શ્રી રાજીવ બજોરિયા અને શ્રી હાર્દિક શાહની ઉપસ્થિતિની ખાસ નોંધ લીધી હતી. તેઓએ માનનીય કેન્દ્રીય નાણામંત્રી શ્રીમતી નિર્મલા સીતારમણ દ્વારા રજૂ કરાયેલ નવમા યુનિયન બજેટની ચર્ચા કરતાં તેને સરકારના સાતત્યપૂર્ણ, ભવિષ્ય દ્રષ્ટા અને પ્રગતિશીલ અભિગમની પ્રસંશા કરી હતી. તેઓએ જણાવ્યું હતું કે બજેટનું “વિકસિત ભારત વિઝન 2047” પરનું ફોકસ તેની લાક્ષણિકતા છે. તેમણે જણાવ્યું હતું કે આ બજેટ નીતિગત સાતત્ય, નાણાકીય સંયમ અને વૃદ્ધિ અભિગમનું ઉદાહરણ પૂરું પાડે છે કે જે દેશના આર્થિક પાયાને વધુ મજબૂત કરશે અને ઉદ્યોગ, ઈન્ફ્રાસ્ટ્રક્ચર તથા સેવાઓ આધારિત વિકાસના આગામી તબક્કાને અનલોક કરવામાં મદદરૂપ થશે. તેમણે વધુમાં જણાવ્યું કે ગુજરાતને પણ આ બજેટમાંથી ઘણો લાભ મળશે, જે આપણા વિવિધ ઔદ્યોગિક ધ્યેયને પૂરક સાબિત થઈ રોકાણ, રોજગાર સર્જન અને દીર્ઘકાલીન આર્થિક સ્થિરતાને ગતિ આપશે. તેમણે જણાવ્યું કે આ બજેટ MSME માટે અનેકવિધ જોગવાઈઓ પુરી પાડે છે જેમાં SME Growth Fund, વધુ સુદ્રઢ TReDS ફ્રેમવર્ક,
ઇન્ફ્રાસ્ટ્રક્ચર રિસ્ક ગેરંટી અને લોજિસ્ટિક્સ આધારિત વૃદ્ધિ જેવી વ્યવસ્થા દ્વારા MSME ક્ષેત્રની નાણાકીય સંચાલન ક્ષમતા અને રોકાણકાર વિશ્વાસમાં નોંધપાત્ર વધારો થશે. તેમણે ઉમેર્યું કે યુનિયન બજેટ 2026 “મેક ઈન ઈન્ડિયા” મિશનને નેક્સ્ટ લેવલ લઈ જવાનું લક્ષ્ય ધરાવે છે અને તેનાથી રેર અર્થ કોરિડોર, સેમી-કંડકટર મેન્યુફેક્ચરિંગ, મેડિકલ અને બાયો-ફાર્મા સેક્ટર, હાઈ-સ્પીડ રેલ પ્રોજેક્ટ્સ, MSME અને SME બૂસ્ટ, ફિસ્કલ હાઇજીન, કૃષિમાં AIનો અસરકારક ઉપયોગ અને એવિએશન ક્ષેત્રને નવા શિખરો સુધી પહોંચાડવા જેવા વ્યૂહાત્મક ક્ષેત્રોમાં અન્ય દેશો પર આપણી નિર્ભરતા લગભગ નહિવત કરવાનો પ્રયત્ન છે.

આ પ્રસંગે પ્રેઝન્ટેશન કરતાં શ્રી હેમલ મહેતાએ બજેટમાં સમાવિષ્ટ વિવિધ પોલિસી વિષયક બાબતો વિષે ચર્ચા કરી હતી. તેઓએ જણાવ્યું હતું કે આ બજેટ ત્રણ “કર્તવ્યો”ની આસપાસ રચાયેલ છે: આર્થિક વૃદ્ધિને ત્વરિત અને સતત રાખવી, લોકોની અપેક્ષાઓને પૂર્ણ કરી તેમની ક્ષમતા નિર્માણ કરીને “સબકા સાથ, સબકા વિકાસ”ના દ્રષ્ટિકોણને આગળ ધપાવવો.આ બાબતે તેઓએ આર્થિક ક્ષમતા, ક્રેડિટ નું વિસ્તૃતીકરણ, કેપિટલ માર્કેટ બાબતે સરળતા, ટુરિઝમ તેમજ રેર અર્થ કોરિડોર અને ઈન્ફ્રાસ્ટ્રક્ચર, એજ્યુકેશન, પર્યાવરણ, ટેક્સટાઇલ, કૃષિ, વગેરે બાબત બજેટ ની જોગવાઈ વિશે વિસ્તૃત માહિતી તેમજ સમજ પૂરી પાડી હતી. તેઓએ એમ.એસ.એમ.ઈ આઉટલેટ તેમજ પ્રપોઝીશન બાબતે પણ વિસ્તૃત માહિતી આપી હતી.

આ પ્રસંગે પ્રસ્તુતિ કરતા શ્રી રાજીવ બજોરિયાએ બજેટ અન્વયે કોર્પોરેટ ટેક્સ બાબતે પ્રકાશ પાડ્યો હતો. તેઓએ MAT પ્રોપોઝલ તેમજ કેપિટલ ગેઇન અંગે વિસ્તૃત માહિતી આપી હતી. તેઓએ ડેટા સેન્ટર બાબત ઉપલબ્ધ વિવિધ પ્રોત્સાહન વિશે પણ વાત કરી હતી. તેઓના વિસ્તૃત પ્રેઝન્ટેશનમાં તેઓએ STT રેટ, GCCs, IFSC લીવરેજ વગેરેને પણ આવરી લીધા હતા. તેઓએ  ટ્રાન્સફર પ્રાઇસીંગ બાબતે પણ વિસ્તૃત માહિતી આપી હતી. 

આ પ્રસંગે પ્રેઝન્ટેશન કરતાં શ્રી હાર્દિક શાહે ઇન્ફોર્મેશન ટેકનોલોજી સેવાઓ, ડેટા સેન્ટર સેવાઓ, ઇલેટ્રોનિક સેવાઓ, પર્સનલ ટેક્સ, ટ્રાન્સફર પ્રાઇસીંગ, ઇનડાયરેક્ટ ટેક્સ, GST પ્રપોઝલ, કસ્ટમ અપડેટ તેમજ SEZ અંગેની બજેટરી જોગવાઈઓ વગેરે વિશે વિસ્તૃત માહિતી પૂરી પાડી હતી.  પ્રેઝન્ટેશન પછી પ્રશ્નોત્તરી સત્ર પણ ખુબ માહિતીસભર તથા જ્ઞાનવર્ધક બની રહ્યું હતું.
 

Share On Social Media