Apple યૂઝર્સ માટે સારા સમાચાર, Appleનું નવું iPad ટૂંક સમયમાં લોન્ચ થઈ શકે છે

Apple 2025ની શરૂઆતમાં તેનું 11મી જનરેશન આઈપેડ માર્કેટમાં લોન્ચ કરી શકે છે. બેઝ આઈપેડ એકમાત્ર મોડેલ હતું જે 2024 માં અપડેટ થયું ન હતું. iPad 11મી પેઢીનું મોડલ iPadOS 18.3 પ્રી-ઇન્સ્ટોલ સાથે આવશે.

Apple યૂઝર્સ માટે સારા સમાચાર, Appleનું નવું iPad ટૂંક સમયમાં લોન્ચ થઈ શકે છે

Apple 2025ની શરૂઆતમાં તેનું 11મી જનરેશન આઈપેડ માર્કેટમાં લોન્ચ કરી શકે છે, જેમાં Apple Intelligenceના ફીચર્સ સામેલ હોઈ શકે છે. કંપનીએ વર્ષ 2024માં ઘણા ઉપકરણોને અપડેટ કર્યા અને લગભગ તમામ આઈપેડને રિફ્રેશ કર્યા. આઈપેડ મિનીમાં પણ અપડેટ કરવામાં આવ્યું હતું, પરંતુ કંપનીએ આઈપેડના 10માં મોડલમાં કોઈ અપડેટ નથી કર્યું.

9to5Macના એક રિપોર્ટ અનુસાર, Apple 2025ની શરૂઆતમાં 11મી પેઢીના આઈપેડને લોન્ચ કરવાની યોજના બનાવી રહી છે. આ iPad iPadOS 18.3 સાથે લોન્ચ થઈ શકે છે. કારણ કે હાલમાં Appleના iPadમાં iPadOS 18.2 સોફ્ટવેર છે અને કંપનીએ તાજેતરમાં iPadOS 18.3નું પ્રથમ ડેવલપર બીટા વર્ઝન બહાર પાડ્યું છે. આ નવું અપડેટ જાન્યુઆરી 2025 માં રોલઆઉટ થવાની અપેક્ષા છે. અને એવું અનુમાન કરવામાં આવી રહ્યું છે કે iPad 11મી જનરેશનનું મોડલ iPadOS 18.3 પ્રી-ઇન્સ્ટોલ સાથે આવશે.

આઈપેડ 11મી જનરેશનમાં ફીચર્સ

Apple આઈપેડમાં કોઈ મોટા ફેરફારો કરે તેવી અપેક્ષા નથી. એવું માનવામાં આવે છે કે નવા આઈપેડનો લુક જૂના મોડલ જેવો જ રહેશે. જો કે, iPad 11માં ઝડપી ચિપ હોવાની અપેક્ષા છે. જે સંભવતઃ A17 Pro હોઈ શકે છે. A17 Pro એ Apple Intelligence ને પાવર કરતી એન્ટ્રી-લેવલ ચિપ છે, જે iPad mini ના 2024 મોડલ્સ તેમજ iPhone 15 Pro અને iPhone 15 Pro Max માં હાજર છે. એપલ ઇન્ટેલિજન્સ માટે સપોર્ટનો અર્થ એ પણ છે કે આગામી આઈપેડમાં ઓછામાં ઓછી 8GB RAM હશે. જો તેની કિંમતની વાત કરીએ તો Apple iPad 11 જનરેશનની કિંમત 35,000 રૂપિયા હોઈ શકે છે. જો આ આઈપેડની કિંમત આ શ્રેણીમાં રહે છે, તો તે એક એવું ઉપકરણ હશે જે એપલ ઈન્ટેલિજન્સ સર્વિસને સસ્તું ભાવે પ્રદાન કરશે.

Share On Social Media