જમ્મુ-કાશ્મીરના અનંતનાગમાં ભયાનક માર્ગ અકસ્માત, કાર ખાડામાં પડતાં 5 બાળકો સહિત 8નાં મોત

એક ભયાનક માર્ગ અકસ્માતમાં કારમાં સવાર દરેકના મોત થયા હતા. પોલીસે જણાવ્યું કે માર્યા ગયેલાઓમાં 5 બાળકો, 2 મહિલા અને એક પુરુષ પોલીસકર્મીનો સમાવેશ થાય છે.

જમ્મુ-કાશ્મીરના અનંતનાગમાં ભયાનક માર્ગ અકસ્માત, કાર ખાડામાં પડતાં 5 બાળકો સહિત 8નાં મોત

એક ભયાનક માર્ગ અકસ્માતમાં કારમાં સવાર દરેકના મોત થયા હતા. પોલીસે જણાવ્યું કે માર્યા ગયેલાઓમાં 5 બાળકો, 2 મહિલા અને એક પુરુષ પોલીસકર્મીનો સમાવેશ થાય છે. પોલીસે જણાવ્યું કે અકસ્માતનો ભોગ બનેલી કાર જમ્મુના કિશ્તવાડથી આવી રહી હતી.

જમ્મુ-કાશ્મીરના અનંતનાગ જિલ્લામાં એક જોરદાર માર્ગ અકસ્માત સર્જાયો હતો. માર્ગ અકસ્માતમાં 8 લોકોના મોત થયા છે. મૃતકોમાં પાંચ બાળકોનો પણ સમાવેશ થાય છે. આ અકસ્માત દક્ષિણ કાશ્મીરના અનંતનાગ જિલ્લાના કોકરનાગના ડાકસુમ વિસ્તાર પાસે થયો હતો. જ્યાં કારમાં મુસાફરી કરી રહેલા તમામ 8 લોકો ખાડામાં પડી જતાં મૃત્યુ પામ્યા હતા.

કાર જમ્મુના કિશ્તવાડથી આવી રહી હતી

પોલીસે જણાવ્યું કે રજીસ્ટ્રેશન નંબર JK03H9017 ધરાવતું સુમો વાહન જમ્મુ ક્ષેત્રના કિશ્તવાડથી આવી રહ્યું હતું. તે કાબુ ગુમાવી દેતા ડેક્સમ પાસે રોડ પર ખાડામાં ખાબક્યો હતો. આ અકસ્માતમાં 5 બાળકો, બે મહિલા અને એક પુરુષ પોલીસ સહિત 8 લોકોના મોત થયા હતા.

પોલીસે કેસની તપાસ શરૂ કરી હતી

અકસ્માત બાદ પોલીસે ઘટના સ્થળે પહોંચીને મૃતદેહોને બહાર કાઢ્યા હતા. આ અંગે કેસ નોંધવામાં આવ્યો છે અને તપાસ પણ શરૂ કરવામાં આવી છે.

Share On Social Media