IND-W vs WI-W: ટીમ ઈન્ડિયાએ ફરી રચ્યો ઈતિહાસ, 7 વર્ષ બાદ કર્યું આ મોટું કારનામું
IND-W vs WI-W: ભારતીય મહિલા ટીમે વેસ્ટ ઈન્ડિઝ સામેની બીજી ODI મેચમાં એક મોટો રેકોર્ડ બનાવ્યો છે. આ મેચમાં પ્રથમ બેટિંગ કરતા ટીમ ઈન્ડિયાએ 5 વિકેટ ગુમાવીને 358 રન બનાવ્યા હતા.
IND-W vs WI-W: ભારતની મહિલા ટીમ અને વેસ્ટ ઈન્ડિઝની મહિલા ટીમ વચ્ચે ત્રણ મેચની ODI શ્રેણી રમાઈ રહી છે. ટીમ ઈન્ડિયાએ આ શ્રેણીની પ્રથમ મેચ જીતી હતી. શ્રેણીની બીજી મેચમાં ભારતીય ટીમે પ્રથમ બેટિંગ કરીને રેકોર્ડ બનાવ્યો હતો. ટીમ ઈન્ડિયાએ સાત વર્ષ બાદ એક ખાસ રેકોર્ડ બનાવ્યો છે.
બંને ટીમો વચ્ચે રમાઈ રહેલી આ મેચમાં ટીમ ઈન્ડિયાની કેપ્ટન હરમનપ્રીત કૌરે ટોસ જીતીને પહેલા બેટિંગ કરવાનો નિર્ણય કર્યો હતો. જે બાદ ટીમ ઈન્ડિયા પ્રથમ બેટિંગ કરવા મેદાનમાં આવી અને ભારતીય ટીમે 5 વિકેટ ગુમાવીને 50 ઓવરમાં 358 રન બનાવ્યા. ODI ક્રિકેટમાં ટીમ ઈન્ડિયાનો આ સૌથી મોટો સ્કોર છે. આ પહેલા ભારતીય મહિલા ટીમે 2017માં આયર્લેન્ડ સામે રમાયેલી ODI મેચમાં માત્ર 358 રન બનાવ્યા હતા. ટીમ ઈન્ડિયાએ સાત વર્ષ બાદ ફરી એકવાર પોતાના જ રેકોર્ડની બરાબરી કરી છે.
1.) 358/2 વિ આયર્લેન્ડ મહિલા (2017)
2.) 358/5 વિ વેસ્ટ ઈન્ડિઝ મહિલા ટીમ (વર્ષ 2024)
3.) 333/5 વિ ઈંગ્લેન્ડ મહિલા (વર્ષ 2022)
4.) 325/3 વિ દક્ષિણ આફ્રિકા મહિલા ટીમ (વર્ષ 2024)
5.) 317/8 વિ વેસ્ટ ઈન્ડિઝ મહિલા ટીમ (વર્ષ 2022)
ટીમ ઈન્ડિયાની યુવા સ્ટાર હરલીન દેઓલે વેસ્ટ ઈન્ડિઝ સામે રમાઈ રહેલી બીજી વનડે મેચમાં શાનદાર સદી ફટકારી છે. આ તેની આંતરરાષ્ટ્રીય ક્રિકેટમાં પ્રથમ સદી છે. તેણે માત્ર 98 બોલમાં પોતાની સદી પૂરી કરી હતી. આ મેચમાં હરલીન બેટિંગ કરવા આવી ત્યારે ટીમ ઈન્ડિયાએ 110 રનના સ્કોર પર પોતાની પ્રથમ વિકેટ ગુમાવી હતી. આ પછી તેની શાનદાર બેટિંગના કારણે ભારતે 300 રનનો આંકડો પાર કર્યો. તે સદી ફટકારીને આઉટ થઈ ગઈ હતી. તેણે પોતાની ઇનિંગ દરમિયાન 103 બોલમાં 115 રન બનાવ્યા હતા. તેની શાનદાર સદીના કારણે ટીમ આ વિશાળ સ્કોર સુધી પહોંચી શકી હતી.
IFL 2025-26 માં રાજસ્થાન યુનાઇટેડે અમાદૌ સુકુનાના ગોલની મદદથી રિયલ કાશ્મીરને 1-0 થી હરાવ્યું છે. આ જીત સાથે રાજસ્થાનની ટીમ પોઈન્ટ ટેબલમાં પ્રથમ સ્થાને પહોંચી ગઈ છે.
નેધરલેન્ડ્સના એમ્સ્ટરડેમમાં FIH હોકી વર્લ્ડ કપ 2026 માટે ઓફિશિયલ ડ્રો યોજાયો. ભારત અને પાકિસ્તાન પુરુષોના પૂલ D માં સામસામે ટકરાશે. સંપૂર્ણ ગ્રુપ લિસ્ટ અહીં જુઓ.
મુંબઈ ઈન્ડિયન્સના સ્ટાર બેટર રોહિત શર્માએ IPL 2026 માટે તૈયારીઓ શરૂ કરી દીધી છે. મુંબઈમાં શરૂ થયેલા ટ્રેનિંગ કેમ્પમાં રોહિત તેના ટ્રેડમાર્ક શોર્ટ્સ રમતા જોવા મળ્યો હતો.