AMCની બેદરકારીથી જીવ જોખમમાં, ઓમ નગર ફાટક પર 3 વર્ષથી અધૂરો અંડરબ્રિજ, ગૌરી દેસાઈ સ્થળ પર પહોંચી આપી ઉગ્ર વિરોધની ચેતવણી

અમદાવાદ ઓમ નગર રેલ્વે ફાટક પર અંડરબ્રિજનું કામ 3 વર્ષથી અધૂરું! બાળકો જીવ જોખમમાં મૂકી ફાટક ક્રોસ કરે છે, હોસ્પિટલ પહોંચવું અશક્ય, ઇમરજન્સીમાં વાહન અટકે છે. AAP નેતા ગૌરી દેસાઈ સ્થાનિકો સાથે સ્થળ પર પહોંચી, AMCને ચેતવણી – તાત્કાલિક કામ નહીં તો ઉગ્ર આંદોલન! વાંચો વિગતો.

AMCની બેદરકારીથી જીવ જોખમમાં, ઓમ નગર ફાટક પર 3 વર્ષથી અધૂરો અંડરબ્રિજ, ગૌરી દેસાઈ સ્થળ પર પહોંચી આપી ઉગ્ર વિરોધની ચેતવણી

અમદાવાદ/ગુજરાત : અમદાવાદમાં ઓઢવ વિસ્તારની મુકેશનગર સોસાયટીમાં પીવાના પાણીમાં ગટરનું પાણી મિક્સ થવા મામલે આમ આદમી પાર્ટીના યુવા નેતા અને પ્રદેશ મુખ્ય પ્રવક્તા ડો.કરન બારોટ તથા AAP નેતા જૈમિન દેસાઈની આગેવાનીમાં સ્થાનિકોને સાથે રાખીને મ્યુનિસિપલ કોર્પોરેશનની ઓફિસ ખાતે વિરોધ પ્રદર્શનનો કાર્યક્રમ યોજાયો હતો. AAP નેતા ડૉ. કરન બારોટ અને જૈમિન દેસાઈ સહિત આમ આદમી પાર્ટીના કાર્યકર્તાઓ તથા સ્થાનિક લોકોએ ઢોલ નગારા વગાડીને તથા કોર્પોરેશનની ઓફિસમાં ખૂબ જ મજબૂતીથી રજૂઆત કરવા પહોંચ્યા હતા. જ્યારે કોર્પોરેશનના ગેટ આગળ તમામ લોકો પહોંચ્યા તો અંદર જતા તેઓને  રોકવામાં આવ્યા. આ દરમિયાન AAP નેતા ડૉ. કરન બારોટે જણાવ્યું કે, કોર્પોરેશનમાં ભાજપની સરકાર છે,

રાજ્યમાં ભાજપની સરકાર છે, કેન્દ્રમાં પણ ભાજપની સરકાર છે અને આ રીતની ત્રીપલ એન્જિનની ભાજપની સરકાર ચાલી રહી છે, તેમ છતાં પણ અમદાવાદ જેવા મહાનગરમાં ભાજપ સરકાર લોકોને ગટરનું મિક્સ થયેલું ગંદુ પાણી પીવડાવે છે. લોકો જ્યારે ફક્ત રજૂઆત કરવા માંગતા હોય છે તો કોર્પોરેશન દ્વારા લોકોને રોકવામાં આવે છે અને રજૂઆત કરવા પણ જવા દેવામાં આવતા નથી. શું અમે પાકિસ્તાની લોકો છીએ? અમે ગુજરાતના લોકો છીએ અને રજૂઆત કરવાનો અમને અધિકાર છે.

ત્યારબાદ ઘણા ઘર્ષણ બાદ તમામ લોકો AAP પ્રદેશ મુખ્ય પ્રવક્તા ડો.કરન બારોટ તથા AAP નેતા જૈમિન દેસાઈની આગેવાનીમાં ઓફિસમાં રજૂઆત કરવા પહોંચ્યા.  મ્યુનિસિપલ અધિકારીને રજૂઆત કરીને આમ આદમી પાર્ટીના યુવા નેતા ડો.કરન બારોટે જણાવ્યું હતું કે છ મહિનાથી લઈને એક વર્ષથી ઓઢવની સોસાયટીઓમાં લોકો ગંદુ પાણી પીવા મજબૂર છે.  પીવાના પાણીમાં ગટરનું પાણી મિક્સ થવાથી જે ગંદુ પાણી લોકોના ઘરે પહોંચી રહ્યું છે એ પાણી મ્યુનિસિપલ કોર્પોરેશનના અધિકારીઓએ પણ પીવું જોઈએ તો એમને ખ્યાલ આવશે કે લોકો કેવું પાણી પીવા મજબૂર છે. અને કોર્પોરેશનના અધિકારીએ કહ્યું કે “કાલે પાણીનું ટેન્કર મોકલવામાં આવશે” તો એક સીધો સવાલ થાય છે કે  શું કોર્પોરેશન એવું ઈચ્છી રહ્યું છે કે અત્યારે બપોરથી લઈને કાલ સવાર સુધી લોકો ગંદુ પાણી જ પીવે? લોકોએ અનેક વાર આ મુદ્દે અરજી પણ આપી છે છતાં પણ કોર્પોરેશન એ કોઈની વાત સાંભળી નથી, એ કેટલું યોગ્ય છે? કોર્પોરેશનના અધિકારીઓ માટે જેવું બીસ્લેરીનું ચોખ્ખું પાણી બોટલમાં આપવામાં આવે છે એટલું ચોખ્ખું પાણી ઓઢવની સોસાયટીના લોકોને મળે એવી અમારી માંગણી છે. લોકોએ ભાજપના નેતાને ખોબલે ખોબલે મત આપ્યા અને હવે તેઓ પ્રદેશ અધ્યક્ષ પણ થઈ ગયા છે પરંતુ પ્રજા આજે ગટરનું મિક્સ થયેલું ગંદુ પાણી પીવા માટે મજબૂર છે.

આમ આદમી પાર્ટી ગુજરાત

Share On Social Media