ગુજરાતમાં મિશન ડેઇલી વૉટર સપ્લાય: 103 શહેરોમાં દરરોજ પાણી
ગુજરાતમાં શહેરી વિકાસ વર્ષ 2025માં 92.97 MLD જળ અને 528 કિમી ટ્રાન્સમિશન વધારો – 103 શહેરોમાં દૈનિક પાણી, મિશન ડેઇલી વૉટર સપ્લાય.
ગુજરાતમાં મિશન ડેઇલી વૉટર સપ્લાય: 103 શહેરોમાં દરરોજ પાણી
મુખ્યમંત્રી શ્રી ભૂપેન્દ્ર પટેલના નેતૃત્વ હેઠળ ગુજરાત સરકાર રાજ્યના તમામ શહેરી વિસ્તારોમાં દૈનિક પાણી પુરવઠો અને સલામત પીવાના પાણીની સમાન પહોંચ સુનિશ્ચિત કરીને રાજ્યને ટકાઉ શહેરી જળ વ્યવસ્થાપન માટે રાષ્ટ્રીય મોડેલ તરીકે સ્થાપિત કરવાની નેમ રાખે છે. આ જ ઉદ્દેશ્યથી શહેરી વિકાસ વર્ષ 2025 દરમિયાન રાજ્યના શહેરી વિસ્તારોના જળ સંસાધનોમાં 92.97 MLDનો અને ટ્રાન્સમિશન સિસ્ટમ્સમાં 528. 35 કિમીનો વધારો કરવામાં આવ્યો છે. વધુમાં, મુખ્યમંત્રીશ્રીના નેતૃત્વ હેઠળ રાજ્યના તમામ શહેરી વિસ્તારોમાં દૈનિક ધોરણે પાણી પુરવઠો પહોંચાડવા માટે ‘મિશન ડેઇલી વૉટર સપ્લાય’ જેવી પહેલ અમલી કરવામાં આવી રહી છે. મિશન ડેઇલી વૉટર સપ્લાય હેઠળ રાજ્ય સરકાર વિવિધ વૉટર સપ્લાય અને સેનિટેશન સંબંધિત પ્રોજેક્ટ્સ/પહેલો હાથ ધરવા માટે શહેરી સ્થાનિક સંસ્થાઓને સહાય પૂરી પાડે છે.
ઉલ્લેખનીય છે કે, વર્લ્ડ ક્લાસ સિટી ડેવલપમેન્ટને વેગ આપવા માટે રાજ્ય સરકાર દ્વારા 2025નું વર્ષ ‘શહેરી વિકાસ વર્ષ’ તરીકે જાહેર કરવામાં આવ્યું છે, અને આ વર્ષ દરમિયાન રાજ્ય સરકાર શહેરી વિસ્તારોમાં માળખાગત સુવિધાઓના વિકાસ પર ધ્યાન કેન્દ્રિત કરી રહી છે.
હાલ રાજ્યના 103 શહેરોમાં દૈનિક ધોરણે પાણી પુરવઠો પહોંચે છે
ઉલ્લેખનીય છે કે, હાલ રાજ્ય સરકારની વિવિધ યોજનાઓ અને પહેલો હેઠળ ગુજરાતના 103 શહેરોમાં દૈનિક ધોરણે પાણી પુરવઠો પહોચાડવામાં આવી રહ્યો છે. બાકી રહેલા શહેરો પૈકી 30 શહેરોમાં વિવિધ યોજનાઓ હેઠળ પાણી પુરવઠાનાં કામો પ્રગતિ હેઠળ છે. રાજ્યની બાકીની 32 સ્થાનિક સંસ્થાઓમાં દૈનિક ધોરણે પાણી પુરવઠો મળી રહે તે માટે મિશન ડેઇલી વૉટર સપ્લાય લાગુ કરવામાં આવી રહ્યું છે, જે હેઠળ વિવિધ ઘટકો માટેનાં કામોનું આયોજન કરવામાં આવ્યું છે.
SCADA સિસ્ટમ થકી મુખ્ય મહાનગરોમાં પાણીના સમાન વિતરણ અને અન્ય જળ સંસાધન સંબંધિત સેવાઓનું ડિજિટલ મોનિટરિંગ
શહેરી વિસ્તારોમાં પાણીના સમાન વિતરણ અને અન્ય જળ સંસાધન સંબંધિત સેવાઓનું ડિજિટલ મોનિટરિંગ કરવા માટે મુખ્ય મહાનગરોમાં SCADA સિસ્ટમ સફળતાપૂર્વક લાગુ કરવામાં આવી છે. આ સિસ્ટમ લીક ડિટેક્શન, લો પ્રેશર પોકેટ, NRW (નોન-રેવેન્યુ વૉટર)માં ઘટાડો, જરૂરી દબાણ સાથે માથાદીઠ પુરવઠામાં સુધારો, જરૂરી પમ્પિંગ કાર્યક્ષમતા સાથે પમ્પિંગ સ્ટેશનનું નિરીક્ષણ, વાલ્વ મોનિટરિંગ વગેરેમાં મદદ કરે છે. આ સિસ્ટમને કારણે નોન રેવેન્યુ વૉટરને લીધે થતા નુકસાનમાં ઘટાડો થયો છે, તેમજ પાણીના સમાન વિતરણ અને અન્ય જળ સંસાધન સેવાઓનું રિયલ-ટાઇમ મોનિટરિંગ શક્ય બન્યું છે.
ઉલ્લેખનીય છે કે, ડેઇલી વૉટર સપ્લાય મિશન તેમજ પાણી પુરવઠા સંબંધિત અન્ય યોજનાઓ અને પહેલોના અમલીકરણ થકી સામાન્ય લોકોને દરરોજ પીવાલાયક પાણી મળી રહેશે, જેનાથી લાંબા સમયગાળા માટે પાણીનો સંગ્રહ કરવાની જરૂર રહેશે નહીં. દરરોજ પીવાનું પાણી મળી રહેવાથી પાણીના અન્ય સ્ત્રોતો પરની નિર્ભરતા પણ ઘટશે. શહેરોના સુગઠિત અને આયોજનપૂર્વકના વિકાસથી શહેરોમાં વસતા નાગરિકો ‘ઇઝ ઓફ લિવિંગ’ નો અનુભવ પ્રદાન કરવા માટે રાજ્ય સરકારનો શહેરી વિકાસ વિભાગ પ્રતિબદ્ધ છે.
Share On Social Media
અન્ય સમાચારો પણ છે...
ગુજરાત બનશે AIનું ગ્લોબલ સેન્ટર: મુખ્યમંત્રી ભૂપેન્દ્ર પટેલનો યુવા સ્ટાર્ટઅપ્સ સાથે અનોખો સંવાદ
મુખ્યમંત્રી શ્રી ભૂપેન્દ્ર પટેલના વિઝન સાથે ગુજરાત હવે AI ઈનોવેશન હબ બનવા તરફ પ્રયાણ કરી રહ્યું છે. ગાંધીનગર ખાતે યોજાયેલા AI સંવાદમાં મુખ્યમંત્રીએ દેશના ટોચના 24 સ્ટાર્ટઅપ્સ સાથે મુલાકાત કરી હતી. રાજ્યના સાયન્સ એન્ડ ટેક્નોલોજી વિભાગે Sarvam.ai સાથે ગુજરાતમાં Sovereign AI પાર્ક સ્થાપવા માટે MOU કર્યા છે.
મુસાફરોની સુવિધામાં વધારો: ગાંધીનગરથી 182 નવીન એસ.ટી. બસોને હર્ષ સંઘવી અને સીએમએ આપી લીલી ઝંડી
ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા જનસેવાની પ્રતિબદ્ધતા દોહરાવતા 182 નવીન બસોનું લોકાર્પણ કરવામાં આવ્યું છે. ગાંધીનગર ખાતે આયોજિત સમારોહમાં મુખ્યમંત્રી શ્રી ભૂપેન્દ્ર પટેલ અને નાયબ મુખ્યમંત્રી શ્રી હર્ષ સંઘવીએ રાજ્યની તમામ 182 વિધાનસભા બેઠકો માટે ફાળવવામાં આવેલી આ બસોને લીલી ઝંડી આપી પ્રસ્થાન કરાવ્યું હતું.
આત્મનિર્ભર ગુજરાત: કારીગરો માટે 'સ્વદેશી મોલ' અને ડિજિટલ સહાયની જાહેરાત
ગુજરાત સરકારે વર્ષ ૨૦૨૬-૨૭ માટે કુટીર અને ગ્રામોદ્યોગ વિભાગનું રૂ. ૯૭૯ કરોડનું બજેટ રજૂ કર્યું છે. જેમાં 'સ્વદેશી મોલ', ODOP અને કારીગરો માટે ડિજિટલ સહાય જેવી મુખ્ય જાહેરાતો કરવામાં આવી છે.
