૧૦ રૂપિયા માટે કરી પિતાની હત્યા, કપાયેલું માથું લઈને પોલીસ સ્ટેશન પહોંચ્યો; દીકરાની ક્રૂરતા જોઈને પોલીસ પણ ચોંકી ગઈ

શું ખરેખર આપણો સમાજ આ હદ સુધી પતન પામ્યો છે? માત્ર ૧૦ રૂપિયા માટે, એક દીકરાએ તેના ૭૦ વર્ષના પિતાનું માથું કાપી નાખ્યું કારણ કે તેણે તેને પૈસા આપવાનો ઇનકાર કર્યો હતો.

૧૦ રૂપિયા માટે કરી પિતાની હત્યા, કપાયેલું માથું લઈને પોલીસ સ્ટેશન પહોંચ્યો; દીકરાની ક્રૂરતા જોઈને પોલીસ પણ ચોંકી ગઈ

ઓડિશાના મયુરભંજ જિલ્લામાં એક ખૂબ જ દુ:ખદ ઘટના બની છે, જ્યાં 40 વર્ષના પુત્રએ તેના 70 વર્ષના પિતાની હત્યા કરી દીધી, કારણ કે તેમણે ગુટખા ખરીદવા માટે 10 રૂપિયા આપવાની ના પાડી હતી. એટલું જ નહીં, હત્યા કર્યા પછી, પુત્ર તેના પિતાનું કપાયેલું માથું પોલીસ સ્ટેશન લઈ ગયો અને આત્મસમર્પણ કર્યું.

માતા-પિતા અને પુત્ર વચ્ચે ઉગ્ર બોલાચાલી બાદ હત્યા

આ ઘટના મંગળવારે બની હતી. એક પોલીસ અધિકારીએ જણાવ્યું કે, “મયુરભંજના ચંદુઆ ગામમાં, આરોપી પુત્રએ તેના 70 વર્ષીય પિતાનું તીક્ષ્ણ હથિયારથી માથું કાપી નાખ્યું, ત્યારબાદ તે કપાયેલ માથું લઈને ચંદુઆ પોલીસ સ્ટેશન પહોંચ્યો અને આત્મસમર્પણ કર્યું. તેની માતા સ્થળ પરથી ભાગી ગઈ. આરોપી અને તેના માતા-પિતા વચ્ચે ઉગ્ર દલીલ બાદ હત્યા કરવામાં આવી હતી.

માતા ડરીને સ્થળ પરથી ભાગી ગઈ

મૃતકની ઓળખ બૈધર સિંહ તરીકે થઈ છે. બારીપાડા સબ-ડિવિઝનલ પોલીસ ઓફિસર પ્રવત મલ્લિકે જણાવ્યું હતું કે, “આ હત્યા એક નજીવી બાબતમાં કરવામાં આવી હતી. આરોપીના પિતાએ ગુટખા માટે ૧૦ રૂપિયા આપવાની ના પાડી ત્યારે તે ગુસ્સે થઈ ગયો. પોલીસ ફોરેન્સિક ટીમ સાથે ગામમાં પહોંચી ગઈ અને તપાસ ચાલી રહી છે, એમ અધિકારીએ જણાવ્યું.

ઘટના સમયે આરોપીની માતા પણ હાજર હતી પરંતુ પતિને મારતો જોઈને તે ડરીને ઘટનાસ્થળેથી ભાગી ગઈ. આ ઘટના બાદ વિસ્તારમાં શોકનો માહોલ છે. ઘટના વિશે સાંભળ્યા પછી બધા સ્તબ્ધ છે.

Share On Social Media