કટરામાં તીર્થયાત્રીઓની બસ પર આતંકવાદી હુમલાના કેસમાં NIAની કાર્યવાહી, એક આરોપી સામે ચાર્જશીટ દાખલ

નેશનલ ઇન્વેસ્ટિગેશન એજન્સી (NIA) એ શનિવારે જમ્મુ અને કાશ્મીરના શિવ ખોરી, રાનસુથી કટરા જતી તીર્થયાત્રીઓની બસ પર આતંકવાદી હુમલા સાથે સંબંધિત મામલામાં એક આરોપી સામે ચાર્જશીટ દાખલ કરી છે.

કટરામાં તીર્થયાત્રીઓની બસ પર આતંકવાદી હુમલાના કેસમાં NIAની કાર્યવાહી, એક આરોપી સામે ચાર્જશીટ દાખલ

જમ્મુ અને કાશ્મીરના કટરામાં શિવખોડી અને રાનસુથી યાત્રાળુઓને લઈ જતી બસ પર આતંકવાદી હુમલાના મામલામાં નેશનલ ઈન્વેસ્ટિગેટિંગ એજન્સી (NIA)એ શનિવારે એક આરોપી વિરુદ્ધ ચાર્જશીટ દાખલ કરી છે. આ ચાર્જશીટ NIA દ્વારા જમ્મુની વિશેષ અદાલતમાં ધરપકડ કરાયેલા આરોપી હકમ ખાન ઉર્ફે હકીમ દીન વિરુદ્ધ IPC અને UAPA એક્ટની વિવિધ કલમો હેઠળ દાખલ કરવામાં આવી છે.

એજન્સીએ એક નિવેદનમાં જણાવ્યું છે કે જમ્મુની વિશેષ NIA કોર્ટ સમક્ષ રજૂ કરવામાં આવેલી તેની ચાર્જશીટમાં એજન્સીએ ધરપકડ કરાયેલા આરોપી હકમ ખાન ઉર્ફે હકીમ દીન પર IPC અને UA(P) એક્ટની વિવિધ કલમો હેઠળ આરોપ મૂક્યો છે.

હુમલો ક્યારે અને કેવી રીતે થયો?

આ આતંકવાદી હુમલો 9 જૂન, 2024 ના રોજ થયો હતો, જ્યારે યાત્રાળુઓથી ભરેલી બસ ઝાંડી મોડ નજીક કાંડા પહોંચી હતી. અચાનક અજાણ્યા આતંકવાદીઓએ બસ પર અંધાધૂંધ ગોળીબાર શરૂ કરી દીધો. હુમલામાં બસ ડ્રાઈવર સહિત આઠ શ્રદ્ધાળુઓના મોત થયા હતા, જ્યારે 41 અન્ય લોકો ગંભીર રીતે ઘાયલ થયા હતા.

હુમલા દરમિયાન ગોળી વાગતાં બસ ડ્રાઇવરનું મોત નીપજ્યું હતું જેના કારણે બસ કાબૂ બહાર ગઈ હતી અને ઊંડી ખીણમાં પડી હતી. હુમલાનો હેતુ સામાન્ય લોકો અને યાત્રાળુઓમાં ભય ફેલાવવાનો હતો.

NIAની તપાસમાં આતંકી ઝડપાયો

હુમલાની ગંભીરતાને ધ્યાનમાં લઈને ભારત સરકારના ગૃહ મંત્રાલયે આ કેસની તપાસ NIAને સોંપી હતી. તપાસ દરમિયાન NIAએ નક્કર પુરાવાના આધારે હકમ ખાનની ધરપકડ કરી હતી. પૂછપરછ દરમિયાન તેણે હુમલાના કાવતરામાં તેની સંડોવણી હોવાની કબૂલાત કરી હતી.

NIAની તપાસમાં સામે આવ્યું છે કે ત્રણ આતંકવાદીઓએ આ હુમલો કર્યો હતો, જેમાં હકમ ખાને તેમને સંપૂર્ણ સમર્થન આપ્યું હતું. તેણે આતંકવાદીઓના રહેવા અને ખાવાની વ્યવસ્થા કરી હતી અને હુમલો ક્યાં અને કેવી રીતે કરવામાં આવશે તે પણ નક્કી કર્યું હતું.

NIAને જાણવા મળ્યું કે તેમને ભોજન અને રહેઠાણ આપવા ઉપરાંત તેણે આતંકીઓને હુમલાની જગ્યા ઓળખવામાં પણ મદદ કરી હતી.

Share On Social Media