ગુજરાત હાઈકોર્ટમાંથી રાહુલ ગાંધીને કોઈ રાહત નહીં
ગુજરાત હાઈકોર્ટે મોદી સરનેમ કેસમાં કોંગ્રેસ નેતા રાહુલ ગાંધીને વચગાળાની રાહત આપવાનો ઈન્કાર કરી દીધો હતો. 2019ના કેસમાં સજા પર રોક લગાવવાની તેમની અરજી પર કોર્ટે પોતાનો નિર્ણય સુરક્ષિત રાખ્યો છે. વેકેશન બાદ જસ્ટિસ હેમંત પ્રાચાક ચુકાદો સંભળાવશે
ગુજરાત હાઈકોર્ટમાંથી રાહુલ ગાંધીને કોઈ રાહત નહીં
રાહુલ ગાંધીના વકીલ અભિષેક મનુ સિંઘવીએ કોર્ટમાં દલીલ કરી હતી કે જે કથિત અપરાધ માટે કોંગ્રેસ નેતા રાહુલ ગાંધીને દોષિત ઠેરવવામાં આવ્યા છે અને તેમને બે વર્ષની જેલની સજા કરવામાં આવી છે તે ન તો ગંભીર છે અને ન તો આમાં નૈતિક ગેરવર્તણૂકનો સમાવેશ થાય છે.ગુજરાત હાઈકોર્ટે મંગળવારે મોદી સરનેમ કેસમાં કોંગ્રેસ નેતા રાહુલ ગાંધીને વચગાળાની રાહત આપવાનો ઈન્કાર કરી દીધો હતો. 2019ના કેસમાં સજા પર રોક લગાવવાની તેમની અરજી પર કોર્ટે પોતાનો નિર્ણય સુરક્ષિત રાખ્યો છે. વેકેશન બાદ જસ્ટિસ હેમંત પ્રાચાક ચુકાદો સંભળાવશે. ત્યાં સુધી કોર્ટે રાહુલ ગાંધીને કોઈ વચગાળાની રાહત આપવાનો ઈન્કાર કર્યો હતો.
રાહુલ ગાંધીએ 'મોદી સરનેમ'ને લગતી તેમની ટિપ્પણીને પગલે અપરાધિક માનહાનિના કેસમાં દોષિત ઠેરવવા પર રોક લગાવવા માટે હાઈકોર્ટમાં અરજી કરી છે. આ કેસમાં સુરતની કોર્ટે રાહુલ ગાંધીને બે વર્ષની જેલની સજા ફટકારી હતી. આ નિર્ણય બાદ રાહુલને લોકસભાની સદસ્યતા પણ ગુમાવવી પડી હતી.
29 એપ્રિલે સુનાવણી હાથ ધરવામાં આવી હતી
અગાઉ, સુરત સેશન્સ કોર્ટના નિર્ણયને પડકારતી કોંગ્રેસ નેતા રાહુલ ગાંધીની અરજી પર ગુજરાત હાઈકોર્ટમાં 29 એપ્રિલે સુનાવણી હાથ ધરવામાં આવી હતી. આ દરમિયાન કોર્ટે રાહુલ ગાંધીનું પ્રતિનિધિત્વ કરતા વરિષ્ઠ વકીલ અભિષેક મનુ સિંઘવીને 2 મે સુધીમાં જવાબ દાખલ કરવા કહ્યું હતું. આ પછી, આગામી સુનાવણી 2 મે મંગળવારના રોજ નક્કી કરવામાં આવી હતી. રાહુલ ગાંધીના વકીલ અભિષેક મનુ સિંઘવીએ કોર્ટમાં દલીલ કરી હતી કે જે કથિત અપરાધ માટે કોંગ્રેસ નેતા રાહુલ ગાંધીને દોષિત ઠેરવવામાં આવ્યા છે અને તેમને બે વર્ષની જેલની સજા કરવામાં આવી છે તે ન તો ગંભીર છે અને ન તો આમાં નૈતિક ગેરવર્તણૂકનો સમાવેશ થાય છે.
સુરત કોર્ટે પ્રતિબંધ મૂકવાનો ઇનકાર કર્યો હતો
અગાઉ, સુરતની એક અદાલતે મોદી અટક સંબંધિત તેમની ટિપ્પણીને લગતા ફોજદારી માનહાનિના કેસમાં તેમની સજા પર રોક લગાવવાનો ઇનકાર કર્યો હતો. આ પછી રાહુલે ગુજરાત હાઈકોર્ટનો સંપર્ક કર્યો હતો. એક ન્યાયાધીશે આ કેસમાં પોતાને અલગ કર્યા પછી, કેસની સુનાવણી હવે નવા ન્યાયાધીશ દ્વારા કરવામાં આવી રહી છે.
રાહુલને કયા કેસમાં સજા થઈ?
23 માર્ચે સુરતની કોર્ટે 2019માં રાહુલ ગાંધી દ્વારા મોદી અટક અંગે કરેલી ટિપ્પણીના કેસમાં ચુકાદો આપ્યો હતો. કોર્ટે તેને કલમ 504 હેઠળ બે વર્ષની જેલની સજા ફટકારી છે. જો કે કોર્ટે નિર્ણયને અમલમાં મૂકવા માટે થોડા દિવસનો સમય પણ આપ્યો હતો. આ સાથે તેમને તાત્કાલિક જામીન પણ આપવામાં આવ્યા હતા. રાહુલે સુરત કોર્ટમાં ત્રણ અરજીઓ પણ દાખલ કરી હતી, જેમાંથી એક અરજી કોર્ટે ફગાવી દીધી હતી અને બીજીની સુનાવણી 3 મેના રોજ થવાની છે.
રાહુલે શું કહ્યું?
હકીકતમાં, 2019ની લોકસભા ચૂંટણી દરમિયાન કર્ણાટકના કોલારમાં એક રેલીમાં રાહુલ ગાંધીએ કહ્યું હતું કે, 'બધા ચોરોની અટક મોદી કેવી રીતે છે?' જેને લઈને ભાજપના ધારાસભ્ય અને ગુજરાતના પૂર્વ મંત્રી પૂર્ણેશ મોદીએ રાહુલ ગાંધી વિરુદ્ધ માનહાનિનો કેસ દાખલ કર્યો હતો. તેમણે આરોપ લગાવ્યો કે રાહુલે પોતાની ટિપ્પણીથી સમગ્ર મોદી સમુદાયને બદનામ કર્યો છે. રાહુલ વિરુદ્ધ IPC કલમ 499 અને 500 (માનહાનિ) હેઠળ કેસ નોંધવામાં આવ્યો હતો.
રાહત નહીં મળે તો રાહુલનું આગળ શું?
સુપ્રિમ કોર્ટના આ નિર્ણય બાદ કોઈપણ કોર્ટમાં નેતાને દોષિત ઠેરવતાની સાથે જ વિધાનસભા-સંસદનો દરજ્જો જતો રહે છે. આ સાથે તે વ્યક્તિ આગામી છ વર્ષ માટે ચૂંટણી લડવા માટે અયોગ્ય બની જાય છે. રાહુલના સાંસદ ગયા છે. જો તેમને કોર્ટમાંથી રાહત નહીં મળે તો રાહુલ 2024 અને 2029ની લોકસભાની ચૂંટણી લડી શકશે નહીં.
Share On Social Media
અન્ય સમાચારો પણ છે...
જલ જીવન મિશન 2.0: ગુજરાત સરકાર અને કેન્દ્ર વચ્ચે ઐતિહાસિક MOU, છેવાડાના માનવી સુધી પહોંચશે શુદ્ધ પાણી
મુખ્યમંત્રી શ્રી ભૂપેન્દ્ર પટેલ અને કેન્દ્રીય મંત્રી શ્રી સી. આર. પાટીલની ઉપસ્થિતિમાં જલ જીવન મિશન 2.0 અંતર્ગત કેન્દ્ર અને રાજ્ય સરકાર વચ્ચે મહત્વના MOU કરવામાં આવ્યા છે. આ મિશનનો મુખ્ય હેતુ વર્ષ 2028 સુધીમાં રાજ્યના તમામ ગ્રામ્ય વિસ્તારોમાં પાણી પુરવઠાની વ્યવસ્થાને વધુ મજબૂત, નિયમિત અને ટકાઉ બનાવવાનો છે.
ગુજરાત બનશે AIનું ગ્લોબલ સેન્ટર: મુખ્યમંત્રી ભૂપેન્દ્ર પટેલનો યુવા સ્ટાર્ટઅપ્સ સાથે અનોખો સંવાદ
મુખ્યમંત્રી શ્રી ભૂપેન્દ્ર પટેલના વિઝન સાથે ગુજરાત હવે AI ઈનોવેશન હબ બનવા તરફ પ્રયાણ કરી રહ્યું છે. ગાંધીનગર ખાતે યોજાયેલા AI સંવાદમાં મુખ્યમંત્રીએ દેશના ટોચના 24 સ્ટાર્ટઅપ્સ સાથે મુલાકાત કરી હતી. રાજ્યના સાયન્સ એન્ડ ટેક્નોલોજી વિભાગે Sarvam.ai સાથે ગુજરાતમાં Sovereign AI પાર્ક સ્થાપવા માટે MOU કર્યા છે.
મુસાફરોની સુવિધામાં વધારો: ગાંધીનગરથી 182 નવીન એસ.ટી. બસોને હર્ષ સંઘવી અને સીએમએ આપી લીલી ઝંડી
ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા જનસેવાની પ્રતિબદ્ધતા દોહરાવતા 182 નવીન બસોનું લોકાર્પણ કરવામાં આવ્યું છે. ગાંધીનગર ખાતે આયોજિત સમારોહમાં મુખ્યમંત્રી શ્રી ભૂપેન્દ્ર પટેલ અને નાયબ મુખ્યમંત્રી શ્રી હર્ષ સંઘવીએ રાજ્યની તમામ 182 વિધાનસભા બેઠકો માટે ફાળવવામાં આવેલી આ બસોને લીલી ઝંડી આપી પ્રસ્થાન કરાવ્યું હતું.
