પિરામલ ગ્રૂપના ચેરમેન અજય પિરામલે જયપુરમાં પિરામલ સ્કૂલ ઓફ લીડરશિપનો શિલાન્યાસ કર્યો

પિરામલ સ્કૂલ ઓફ લીડરશિપ 32 એકરમાં ફેલાયેલી છે, જે વાર્ષિક અંદાજે 50,000 લીડર્સને તાલીમ આપવા માટે તૈયાર કરવામાં આવી છે, જેમાં સંપૂર્ણ ક્ષમતામાં વધારો કરીને 1,50,000 સુધી લઈ જવાની સંભાવના છે.

પિરામલ ગ્રૂપના ચેરમેન અજય પિરામલે જયપુરમાં પિરામલ સ્કૂલ ઓફ લીડરશિપનો શિલાન્યાસ કર્યો

જયપુર : પિરામલ ગ્રૂપે આજે ગ્રુપની સખાવતી પાંખ પિરામલ ફાઉન્ડેશનના નેજા હેઠળ રાજસ્થાનના જયપુરમાં પિરામલ સ્કૂલ ઓફ લીડરશીપ (પીએસએલ)ના પ્રારંભની જાહેરાત કરી હતી. આ શિલાન્યાસ એ એક ફેસિલિટીની શરૂઆતને ચિહ્નિત કરે છે જેમાં શરૂઆતમાં પાંચ વિશિષ્ટ સ્કૂલ્સ રાખવામાં આવશે, જે વાર્ષિક ધોરણે રાજ્ય અને સરકારી એજન્સીઓના 1,50,000 મિડલ મેનેજરો તેમજ સીએસઆર પહેલ અને સ્વૈચ્છિક સંસ્થાઓના વ્યવસાયિકોને રાખવાની તથા તાલીમ આપવાની અને કાર્યરત થવાની સંભાવના ધરાવે છે.

પિરામલ ગ્રુપના ચેરમેન શ્રી અજય પિરામલ, પિરામલ ગ્રુપના વાઇસ ચેરપર્સન ડો. સ્વાતિ પિરામલ અને પિરામલ ફાઉન્ડેશનના સીઈઓ શ્રી આદિત્ય નટરાજ દ્વારા વરિષ્ઠ સરકારી અધિકારીઓ, ફાઉન્ડેશનના યુવા અને મહિલા ચેન્જમેકર્સ તથા બિઝનેસ અને વિચારકોના સમૂહ સહિત 1,000થી વધુ લોકોની હાજરીમાં આ શિલાન્યાસ કરવામાં આવ્યો હતો.

32 એકરમાં ફેલાયેલ, પીએસએલ ડિસેમ્બર 2025માં કામગીરી શરૂ કરશે અને શિક્ષણનું એક અનોખું કેન્દ્ર બનવાની કલ્પના કરવામાં આવી છે જે નોંધાયેલા લોકોના સર્વગ્રાહી વિકાસને સક્ષમ બનાવશે. કેમ્પસમાં પાંચ વિશિષ્ટ સ્કૂલ્સ હશે, જે નિર્ણાયક વિકાસ ક્ષેત્રોમાં શિક્ષણ પ્રદાન કરશે, જે સરકારની પહેલ સાથે સંરેખિત થશે. વ્યક્તિગત પરિવર્તનના પગલે સિસ્ટમમાં પરિવર્તન તરફ દોરી જનારા સિદ્ધાંતો પર રચાયેલી પીએસએલ ભારતના 30 મિલિયન જાહેર અધિકારીઓને, ખાસ કરીને મીડલ મેનેજર્સને સરકારના વિવિધ કાર્યક્રમો અને પહેલોની સેવા વિતરણમાં સુધારો કરવામાં મદદ કરવા માટે લક્ષ્યાંક બનાવે છે.

Share On Social Media