વિડીયોકોનના સ્થાપક વેણુગોપાલ ધૂત પર સેબીની મોટી કાર્યવાહી

સેબીએ સોમવારે જારી કરેલી તેની એટેચમેન્ટ નોટિસમાં જણાવ્યું હતું કે ધૂત પર 5.16 લાખ રૂપિયાનો દંડ બાકી છે. જેમાં 5 લાખ રૂપિયાના દંડની સાથે 15,000 રૂપિયાના વ્યાજ અને 1,000 રૂપિયાની વસૂલાત ખર્ચનો સમાવેશ થાય છે. 

વિડીયોકોનના સ્થાપક વેણુગોપાલ ધૂત પર સેબીની મોટી કાર્યવાહી

સેબીએ સોમવારે જારી કરેલી તેની એટેચમેન્ટ નોટિસમાં જણાવ્યું હતું કે ધૂત પર 5.16 લાખ રૂપિયાનો દંડ બાકી છે.માર્કેટ્સ રેગ્યુલેટર સેબીએ વિડિયોકોન ગ્રુપના સ્થાપક વેણુગોપાલ ધૂતના બેંક અને ડીમેટ ખાતા તેમજ મ્યુચ્યુઅલ ફંડમાં જમા રકમને એટેચ કરવાનો આદેશ આપ્યો છે. 5.16 લાખની બાકી રકમની વસૂલાત માટે આ આદેશ આપવામાં આવ્યો છે. સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) એ માર્ચમાં ધૂત પર દંડ ફટકાર્યો હતો. સુપ્રીમ એનર્જી સાથે સંકળાયેલા હિત સાથેના અમુક વ્યવહારોના સંદર્ભમાં ક્વાલિટી ટેકનો એડવાઈઝર્સ પ્રાઈવેટ લિમિટેડ અને ક્રેડેન્શિયલ ફાઈનાન્સ લિમિટેડ વચ્ચેના સંબંધોને જાહેર ન કરવા બદલ દંડ લાદવામાં આવ્યો હતો.

5.16 લાખ કરોડનો દંડ બાકી છે

સેબીએ સોમવારે જારી કરેલી તેની એટેચમેન્ટ નોટિસમાં જણાવ્યું હતું કે ધૂત પર 5.16 લાખ રૂપિયાનો દંડ બાકી છે. જેમાં 5 લાખ રૂપિયાના દંડની સાથે 15,000 રૂપિયાના વ્યાજ અને 1,000 રૂપિયાની વસૂલાત ખર્ચનો સમાવેશ થાય છે. લેણાંની વસૂલાત કરવા માટે, નિયમનકારે તમામ બેંકો, ડિપોઝિટરીઝ સીડીએસએલ અને એનએસડીએલ અને મ્યુચ્યુઅલ ફંડ્સને ધૂતના ખાતામાંથી કોઈપણ ઉપાડની મંજૂરી ન આપવા જણાવ્યું હતું. જો કે, તેને રકમ જમા કરવાની છૂટ આપવામાં આવશે. આ સિવાય સેબીએ બેંકોને લોકર સહિત તમામ ખાતાઓને એટેચ કરવાનો નિર્દેશ આપ્યો છે.

આ માટે કર્યો દંડ

સેબીએ માર્ચમાં ધૂત પર પાંચ લાખ રૂપિયાનો દંડ ફટકાર્યો હતો. સુપ્રીમ એનર્જી પ્રાઇવેટ લિમિટેડ (SEPL) પર કંપની વતી લોન આપતી વખતે તેમાં (સુપ્રીમ એનર્જી) 99.9 ટકા હિસ્સા વિશે માહિતી જાહેર ન કરવા બદલ દંડ લાદવામાં આવ્યો હતો. વધુમાં, ધૂતે ક્વાલિટી ટેકનો એડવાઈઝર્સ પ્રાઈવેટ લિમિટેડ અને ક્રેડેન્શિયલ ફાઈનાન્સ લિમિટેડમાં તેમની રુચિ પણ જાહેર કરી ન હતી.
 

Share On Social Media