શિખર ધવનના પત્ની આયેશા મુખર્જીથી છૂટાછેડા પટિયાલા હાઉસ કોર્ટે મંજૂર કર્યા

શિખર ધવને છૂટાછેડાની અરજીમાં કહ્યું હતું કે તેની પત્ની આયેશા મુખર્જીએ તેને માનસિક ક્રૂરતાનો શિકાર બનાવ્યો હતો. ધવન હાલ ટીમ ઈન્ડિયાથી દૂર છે. કોર્ટે દંપતીના પુત્રની કાયમી કસ્ટડી અંગે કોઈ આદેશ આપવાનો ઇનકાર કર્યો હતો.

શિખર ધવનના પત્ની આયેશા મુખર્જીથી છૂટાછેડા પટિયાલા હાઉસ કોર્ટે મંજૂર કર્યા

નવી દિલ્હી :  ભારતીય ક્રિકેટ ટીમમાંથી બહાર કરાયેલા અનુભવી ડાબા હાથના ઓપનર શિખર ધવનને દિલ્હીની પટિયાલા હાઉસ કોર્ટ (ફેમિલી કોર્ટ) દ્વારા પત્ની આયેશા મુખર્જીથી છૂટાછેડા મંજૂર કરવામાં આવ્યા છે.

કોર્ટે સ્વીકાર્યું કે પત્નીએ શિખર ધવનને તેના એકમાત્ર પુત્રથી વર્ષોથી અલગ રહેવા દબાણ કરીને માનસિક પીડા આપી હતી. ફેમિલી કોર્ટના જજ હરીશ કુમારે છૂટાછેડાની અરજીમાં ધવન દ્વારા તેની પત્ની પર લગાવવામાં આવેલા તમામ આરોપોને સ્વીકારી લીધા હતા.

ફેમિલી કોર્ટે કહ્યું કે ધવનની પત્નીએ કાં તો ઉપરોક્ત આરોપોનો વિરોધ કર્યો નથી અથવા પોતાનો બચાવ કરવામાં નિષ્ફળ રહી છે. ધવને છૂટાછેડાની અરજીમાં કહ્યું હતું કે તેની પત્નીએ તેને માનસિક ક્રૂરતાનો શિકાર બનાવ્યો હતો. કોર્ટે દંપતીના પુત્રની કાયમી કસ્ટડી અંગે કોઈ આદેશ આપવાનો ઇનકાર કર્યો હતો.

Share On Social Media