આયર્લેન્ડ પ્રવાસ માટે ટીમની જાહેરાત, આ ખેલાડીઓને મળી તક

જુલાઈ મહિનામાં ઘણી મોટી ટીમો આયર્લેન્ડની મુલાકાતે જવાની છે. ભારતીય ટીમ જુલાઈમાં આયર્લેન્ડનો પણ પ્રવાસ કરશે.

આયર્લેન્ડ પ્રવાસ માટે ટીમની જાહેરાત, આ ખેલાડીઓને મળી તક

ઈંગ્લેન્ડ અને ઓસ્ટ્રેલિયા વચ્ચે એશિઝ સિરીઝ રમાઈ રહી છે. મેન્સ એશિઝની સાથે સાથે મહિલાઓની એશિઝ પણ રમાઈ રહી છે. આ શ્રેણીમાં ઓસ્ટ્રેલિયન ટીમનો દબદબો જોવા મળી રહ્યો છે. ઓસ્ટ્રેલિયાએ આ શ્રેણીની એકમાત્ર ટેસ્ટ મેચમાં ઈંગ્લેન્ડને હરાવ્યું છે. આ પછી તેને ત્રણ મેચની વનડે અને ટી-20 સીરીઝ પણ રમવાની છે. આ પ્રવાસ બાદ તરત જ ઓસ્ટ્રેલિયન ટીમ આયર્લેન્ડનો પણ પ્રવાસ કરશે. જ્યાં તેમને ત્રણ મેચની વનડે શ્રેણી રમવાની છે. ઓસ્ટ્રેલિયાએ આ શ્રેણી માટે 14 સભ્યોની ટીમની જાહેરાત કરી છે. આ પ્રવાસમાં એલિસા હીલીને ટીમની કપ્તાની સોંપવામાં આવી છે.

શેડ્યૂલ શું છે

ઓસ્ટ્રેલિયા અને આયર્લેન્ડ વચ્ચે રમાનારી આ શ્રેણી જુલાઈ મહિનામાં આયોજિત કરવામાં આવશે. એશિઝ બાદ તરત જ ઓસ્ટ્રેલિયન ટીમ ઈંગ્લેન્ડના ડબલિન જશે. જ્યાં તેને 23 જુલાઈએ ત્રણ મેચની વનડે શ્રેણીની પ્રથમ મેચ રમવાની છે. આ સીરીઝની બીજી મેચ પણ આ જ સ્ટેડિયમમાં 25 જુલાઈથી રમાશે. અને શ્રેણીની ત્રીજી મેચ 28 જુલાઈએ આ જ સ્થળે રમાશે. આ શ્રેણીની ત્રણેય મેચ ICC મહિલા ODI ચેમ્પિયનશિપનો ભાગ છે. ખુદ ક્રિકેટ ઓસ્ટ્રેલિયાએ આ જાણકારી આપી છે.

આ ખેલાડી પોતાની જ ટીમ સામે રમશે

જ્યારે આયર્લેન્ડ પ્રવાસ માટે ઓસ્ટ્રેલિયન ટીમની જાહેરાત કરવામાં આવી ત્યારે તે ટીમમાં એક ખેલાડીનું નામ પણ સામેલ હતું, જે હવે પોતાના જ દેશ સામે મેચ રમવા જઈ રહ્યો છે. આ ખેલાડી બીજું કોઈ નહીં પણ કિમ ગાર્થ છે. ઈંગ્લેન્ડ પ્રવાસ પર ઓસ્ટ્રેલિયન ટીમ તરફથી રમી રહેલી કિમ ગાર્થ હવે તેની પૂર્વ ટીમ આયર્લેન્ડ સામે રમશે. તમને જણાવી દઈએ કે કિમ ગાર્થે વર્ષ 2010માં આયર્લેન્ડ માટે આંતરરાષ્ટ્રીય ક્રિકેટમાં ડેબ્યૂ કર્યું હતું. તે પછી તે આયર્લેન્ડ માટે ઘણી મેચ રમી ચૂક્યો છે. પરંતુ વર્ષ 2020માં તેણે ઓસ્ટ્રેલિયા માટે ક્રિકેટ રમવાનું શરૂ કર્યું. ત્યારથી, આ પ્રથમ વખત હશે જ્યારે તે તેની ભૂતપૂર્વ ટીમ સામે રમવા માટે મેદાનમાં ઉતરશે.

આયર્લેન્ડના પ્રવાસ માટે ઓસ્ટ્રેલિયાની ટીમ

એલિસા હીલી (સી), ડી'આર્સી બ્રાઉન, એશ્લે ગાર્ડનર, કિમ ગાર્થ, હિથર ગ્રેહામ, ગ્રેસ હેરિસ, જેસ જોનાસેન, અલાના કિંગ, ફોબી લિચફિલ્ડ, તાહલિયા મેકગ્રા, બેથ મૂની, એલિસે પેરી, એનાબેલ સધરલેન્ડ, જ્યોર્જિયા વેરહામ.
 

Share On Social Media