WinZO અસર આધારિત અને ભારતીય સંસ્કૃતિ આધારિત ગેમીંગ ટેકની નિકાસ કરશે

પોતાની સૌપ્રથમ પહેલના ભાગરૂપે, ભારત ટેક ટ્રાયમ્ફ ભારતમાં બનેલી ટેકનોલોજી વિશ્વમાં નિકાસ કરવાનો હેતુ ધરાવે છે.

WinZO અસર આધારિત અને ભારતીય સંસ્કૃતિ આધારિત ગેમીંગ ટેકની નિકાસ કરશે

નવી દિલ્હી : ભારતની સૌથી મોટુ વર્નાક્યુલર ઇન્ટરેક્ટીવ એન્ટરટેઇનમેન્ટ પ્લેટફોર્મ WinZOએ તેની સૌપ્રથમ પહેલ ભારત ટેક ટ્રાયમ્ફ પ્રોગ્રામ (BTTP)નું અનાવરણ કર્યુ છે. આ પોગ્રામ મેઇડ ઇન ઇન્ડિયા ટેકનોલોજીની નિકાસ કરવા માટે સમર્પિત છે, જે ઘરેલુ સ્ટાર્ટઅપ્સને મહત્ત્વના વૃદ્ધિ સ્ત્રોતો જેમ કે વૈશ્વિક રોકાણ, સરહદ પારના નેટવર્ક્સ, મેન્ટરશિપ અને સીધા વિદેશી રોકાણ (એફડીઆઇ)માં ઍક્સેસ પૂરા પાડીને કુશળ બનાવે છે. પ્રારંભિક આવૃત્તિની સફળતાને પગલે, BTTP સિઝન 2 ભારતના ઇનટરેક્ટિવ મનોરંજન ઉદ્યોગને વૈશ્વિક ફલક પર લઇ જવા માટે સજ્જ છે.

BTTP સિઝન 2 ગેમ ડેવલપર્સ, સ્ટુડીયોઝ અને સ્ટાર્ટઅપ્સને આબોહવા પરિવર્તન, આરોગ્ય અને સુખાકારી, શિક્ષણ અને તાલીમ અને ભારતીય સંસ્કૃતિ આધારિત કન્ટેન્ટ જેવા ક્ષેત્રોમાં અસર આધારિત ગેમીંગ કંપનીઓ પર ભાર મુકીને આમંત્રણ આપે છે. અગાઉની આવૃત્તિએ 200થી વધુ ભારતીય ગેમ ડેવલપમેન્ટ સ્ટુડીયોને આકર્ષ્યા હતા જેમાંથી 10ની સાન ફ્રાંસિસ્કોમાં પ્રતિષ્ઠિત ગેમ ડેવલપર કોન્ફરન્સ ખાતે ભારતનું પ્રતિનિધિત્વ કરવા માટે પસંદગી કરવામાં આવી હતી. આ વિજેતા ગેમ્સ ભારતીય નાયકો અને સાંસ્કૃતિક વારસાથી પ્રેરીત હતી, જેણે આંતરાષ્ટ્રીય ખ્યાતિ પ્રાપ્ત કરી હતી અને વિદેશી બજારોમાં નિકાસની તકોની શોધખોળ કરી હતી.

વૈશ્વિક પ્લેટફોર્મ પૂરુ પાડીને, WinZO ભારતીય ડેવલપર્સને સશક્ત બનાવવા માગે છે તેમજ બન્ને દેશો વચ્ચેના કારોબારી સંબંધોનું સંવર્ધન અને આંતરરાષ્ટ્રીય સ્તરે નવીનતા લાવવાનો હેતુ ધરાવે છે. આ પહેલ ગેમીંગ સમુદાયમાં શ્રેષ્ઠ પ્રતિભાની ઉજવણી કરે છે, જે WinZOના નવીનતા અને વૈશ્વિક સ્તરની સમાવેશીતાના મૂળભૂત મૂલ્યોનું પ્રતિબિંબ પાડે છે.

"સ્થાનિક સાંસ્કૃતિક ગેમ્સ અને અસર આધારિત ગેમ્સની તંદુરસ્ત ઇકોસિસ્ટમ તૈયાર કરવી તે ભારતના વૃદ્ધિ ગમન માટે અગ્રિમ છે. આ કંપની ફક્ત ભારે મોટા સામાજિક પડકારો પર ધ્યાન કેન્દ્રિત કરવામાં અગત્યનો ભાગ ભજવે એવુ નથી, પરંતુ તે ગેમીંગની શક્તિનો શિક્ષીત કરવા, પ્રેરણા આપવા, અને સકારાત્મક પરિવર્તનને આગળ ધપાવવામાં લાભ ઉઠાવે છે. WinZOનો ભારત ટેક ટ્રાયમ્ફ પ્રોગ્રામ આ પ્રયત્નમાં આગળ પડતો છે જે અસર આધારિત ગેસને વિકાસ કરવા અને વિશ્વમાં નવા બજારો શોધવા માટે એક પ્લેટફોર્મ પણ પૂરું પાડે છે," એમ WinZOના સહ સ્થાપક પાવન નંદાએ જણાવ્યું હતું.

BTTP સિઝન 2ના વિજેતાઓને તેમની નવીન ગેમ્સ અને ગેમીંગ ટેકનોલોજીને પ્રતિષ્ઠિત ભારત પેવિલીયનમાં ગેમ્સકોમ LATAM (બ્રાઝિલ) ખાતે સંપૂર્ણપણે સ્પોન્સર્ડ તક મળશે. 26થી 30 જૂન 2024 દરમિયાન સાઓ પૌલો, બ્રાઝિલ ખાતે યોજનારા ગેમ્સકોન LATAM ઉદ્યોગ અગ્રણીઓને ઉમદા પ્લેટફોર્મ પૂરુ પાડે છે જેથી ખાસ ઘોષણાઓ કરી શકે, પ્રોજેક્ટ્સ લોન્ચ કરી શકે અને અદ્યતન પ્રવાહોનું નિદર્શન કરી શકે.

BTTP સ્પર્ધા માટે એવા ડેવલપર્સ, સ્ટુડીયોઝ અને સ્ટાર્ટઅપ્સ સક્ષમ બનશે જેઓ મોબાઇલ ગેમ્સ, ગેમીંગ સંબંધિત ટેકનોલોજી અથવા સપોર્ટીંગ પ્રોડક્ટ્સનું સર્જન કરે છે. ડેવલપમેન્ટ, વેબ 2.0 અને વેબ 3.0 (બ્લોકચેઇન)ના કોઇ પણ તબક્કે જે કંપનીઓ ગેમીંગ ઉદ્યોગ મટે નવીન પ્રોડક્ટ્સ બનાવે છે અને ભારતમાં નોંધાયેલી કંપની હોય તો તે પણ ભાગ લેવા પાત્ર છે.

નિર્ધારણી શરતો પર ઉદ્યોગ અનુભવીઓ દ્વારા નજર રાખવામાં આવશે જેમાં બ્રાઝિલમાં ભારતના રાજદૂત સુરેશ કે રેડ્ડી અને ભારત સરકનરા પૂર્વ સચિવ રોહિત કુમાર સિંઘનો સમાવેશ થાય છે, જેઓ પ્રોડક્ટ, પીચ, ટીમ અને ગેમ જિનર્સ, ટેકનોલોજી અને લક્ષ્યાંકિત પ્રેક્ષકોની વૈવિધ્યતા પર ધ્યાન કેન્દ્રિત કરશે.

"ભારત ટેક ટ્રાયમ્ફ પ્રોગ્રામ એ અસાધારણ પહેલ છે જે ભારતીય ગેમ ડેવલપર્સને વૈશ્વિક ફલક તરફ વેગ આપે છે. આ પ્રોગ્રામ ફક્ત ભારતની અપવાદરૂપ પ્રતિભાને વૈશ્વિક સ્તરે પ્રદર્શિત કરે છે એટલું જ નહી પરંતુ બ્રાઝિલમાં સમોવડીયા સાથેના અમૂલ્ય જોડાણોનું સંવર્ધન કરે છે. LATAM એ મોટી ડિજીટલ સુપરપાવર છે અને હું માનું છું કે આપણી કંપનીઓ માટે ખાસ કરીને ગેમીંગ ઉદ્યોગ ક્ષેત્રમાં ઉજળી તકો છે. ભારતની સરકારનો AVGC XR ઇકોસિસ્ટમને ટેકો આપે છે ત્યારે આપણી કંપનીઓ માટેની તકો અમર્યાદિત છે. હું બ્રાઝિલમાં સંભવિત વિજેતાઓને મળવા માટે આતુર છું," એમ રેડ્ડીએ જણાવ્યું હતુ.

"BTTP" ઇનામ પેકેજમાં ગેમ્સકોમ LATAM ખાતે ઇન્ડિયા પેવિલીયનમાં વિના મૂલ્યે કિઓસ્ક, વિના મૂલ્યે ગેમ્સકોમ એક્હીબિટર પાસ (3 દિવસ), ZP ફંડ પાસેથી રોકાણ તકો, સિદ્ધિનું પ્રમાણપત્ર, વિના મૂલ્યે IEIC સભ્યપદ અને એક વ્યક્તિ માટે મફત વિમાન ભાડાનો સમાવેશ થાય છે.

BTTP સ્પર્ધા માટે સુપરતગી 14 મે 2024ના રોજ બંધ થાય છે. 

વડાપ્રધાન નરેન્દ્ર મોદીએ ગેમર્સને ‘સ્વચ્છ ભારત’ સહિત વિવિધ વિષયો પર ગેમ વિકસાવવાની હાકલ કરી હતી, જે ગેમીંગ દ્વારા સકારાત્મક પરિવર્તનને વેગ આપવામાં BTTP જેવી પહેલની અગત્યતા પર ભાર મુકે છે. 

Share On Social Media