ગોલ્ડી ઢીલ્લોન ગેંગના બે કુખ્યાત શાર્પ શૂટર્સનું પંજાબમાં એન્કાઉન્ટર

પંજાબ પોલીસે ડેરા બસ્સી હાઇવે પર ગોલ્ડી ઢીલ્લોન ગેંગના બે ઓપરેટિવ્સને એન્કાઉન્ટર બાદ ઝડપી, જેઓ લોરેન્સ બિશ્નોઈ ગેંગના ઇશારે વેપારીને નિશાન બનાવવાની ફિરાકમાં હતા.

ગોલ્ડી ઢીલ્લોન ગેંગના બે કુખ્યાત શાર્પ શૂટર્સનું પંજાબમાં એન્કાઉન્ટર

ચંદીગઢ: પંજાબ પોલીસની પંજાબ પોલીસની AGTF (એન્ટી-ગેંગસ્ટર ટાસ્ક ફોર્સ) એ મોહાલી પોલીસના સહયોગથી એક મોટી સફળતા હાંસલ કરી છે. વિદેશમાં બેઠેલા ગોલ્ડી ઢીલ્લોન ગેંગના બે કુખ્યાત ઓપરેટિવ્સને અંબાલા-ડેરા બસ્સી હાઇવે પર થયેલા એન્કાઉન્ટર બાદ ઝડપી લેવાયા છે, જેનાથી એક મોટી ગુનાહિત કાવતરાને નિષ્ફળ બનાવાયું છે. પકડાયેલા આરોપીઓની ઓળખ મોહાલીના શરણજીત સિંહ અને ઝીરકપુરના અમન કુમાર તરીકે થઈ છે. પોલીસે તેમના કબજામાંથી બે .32 બોર પિસ્તોલ અને ૧૦ કારતૂસ જપ્ત કર્યા છે.

વેપારીને નિશાન બનાવવાનું હતું કાવતરું

ડીજીપી ગૌરવ યાદવના જણાવ્યા અનુસાર, પ્રાથમિક તપાસમાં બહાર આવ્યું છે કે આ બંને આરોપીઓ ગયા મહિને રાજપુરા શહેરમાં થયેલા ગોળીબારની ઘટનામાં પણ સામેલ હતા. વધુમાં, ગેંગસ્ટર ગોલ્ડી ઢીલ્લોન ગેંગ દ્વારા તેમને પંજાબના એક અગ્રણી વેપારીને નિશાન બનાવવાની સોપણી કરવામાં આવી હતી. આ ધરપકડ દ્વારા લોરેન્સ બિશ્નોઈ ગેંગ સાથે સંકળાયેલા એક મોટા કાવતરાનો પર્દાફાશ થયો છે.

જાણો સમગ્ર ઘટનાક્રમ

એડીજીપી (AGTF) પ્રમોદ બાનના મતે, વિદેશમાં રહેલો ગેંગસ્ટર ગોલ્ડી ઢીલ્લોન કેનેડાના બ્રિટિશ કોલંબિયાના ઉદ્યોગપતિની હત્યાનો મુખ્ય સૂત્રધાર પણ છે. એજીટીએફના ડેપ્યુટી ઇન્સ્પેક્ટર જનરલ ગુરમીત સિંહ ચૌહાણે માહિતી આપી કે પકડાયેલા બંને આરોપીઓનો ગુનાહિત ઈતિહાસ છે, જેમાં અમન વિરુદ્ધ આર્મ્સ સંબંધિત બે FIR નોંધાયેલી છે.

એસએસપી હરમનદીપ હંસના જણાવ્યા અનુસાર, લોરેન્સ બિશ્નોઈ ગેંગના ઓપરેટિવ્સની હિલચાલ અંગે ચોક્કસ બાતમી મળી હતી. એજીટીએફ અને મોહાલી પોલીસની સંયુક્ત ટીમોએ ડીએસપી બિક્રમજીત બ્રારના નેતૃત્વમાં તેમને ડેરા બસ્સી હાઇવે પર આંતરીને ઝડપી પાડ્યા. ઓપરેશન દરમિયાન, આરોપીઓએ ધરપકડથી બચવા માટે પોલીસ ટીમ પર ગોળીબાર કર્યો હતો, જેના વળતા જવાબમાં બંને આરોપીઓને ગોળી વાગી હતી. આ સંબંધે ૧૨ નવેમ્બરે મોહાલીમાં ભારતીય ન્યાય સંહિતાની સંબંધિત કલમો અને આર્મ્સ એક્ટની કલમ ૨૫ હેઠળ કેસ નોંધવામાં આવ્યો છે. આ સમગ્ર કાર્યવાહી પંજાબ પોલીસની AGTF ની સતર્કતા દર્શાવે છે.

Share On Social Media