ગુજરાતમાં BJP નો દબદબો અકબંધ પણ AAP બન્યો મુખ્ય પડકાર, ઓપિનિયન પોલમાં કોંગ્રેસના સુપડા સાફ!
"Pulse of Gujarat 2026" ઓપિનિયન પોલ મુજબ ભાજપ 49.5% વોટ શેર સાથે પ્રથમ સ્થાને. AAP 24.8% સાથે મુખ્ય પડકારકર્તા જ્યારે કોંગ્રેસ હાંસિયામાં.
ગુજરાતમાં BJP નો દબદબો અકબંધ પણ AAP બન્યો મુખ્ય પડકાર, ઓપિનિયન પોલમાં કોંગ્રેસના સુપડા સાફ!
ટીમ CIF દ્વારા CATI પદ્ધતિથી 40,000+ લોકોના અભિપ્રાય સાથે તૈયાર કરાયેલ "Pulse of Gujarat 2026" સર્વેક્ષણ બહાર આવ્યું છે. આ રિપોર્ટ મુજબ, ગુજરાતમાં ભાજપ હજુ પણ સર્વોપરી છે, પરંતુ વિરોધ પક્ષ તરીકે કોંગ્રેસનું સ્થાન હવે આમ આદમી પાર્ટી (AAP) છીનવી રહી હોય તેવું સ્પષ્ટ દેખાય છે.
ગુજરાત રાજકારણ 2026: સત્તાના સમીકરણોમાં મોટો ઉલટફેર
વિધાનસભા ચૂંટણીના 3 વર્ષ બાદ કરવામાં આવેલ આ વ્યાપક અભ્યાસમાં ગુજરાતની જનતાનો મિજાજ બદલાયો હોવાના સંકેત મળી રહ્યા છે. ભાજપ પોતાની પરંપરાગત વોટ બેંક જાળવી રાખવામાં સફળ રહ્યું છે, પરંતુ એન્ટિ-ઇન્કમ્બન્સી મતોનું વિભાજન હવે કોંગ્રેસને બદલે 'આપ' તરફ વળ્યું છે.
મુખ્ય પક્ષોનો વોટ શેર: એક નજરે
ઓપિનિયન પોલના ડેટા મુજબ પક્ષોની ટકાવારી નીચે મુજબ છે:
પક્ષ (PARTY) વોટ શેર (VOTE SHARE)
BJP 49.5%
AAP 24.8%
INC 17.3%
અન્ય/અનિશ્ચિત 8.4%
ઝોન વાઈઝ વિશ્લેષણ: ક્યાં કોનો દબદબો?
1. સૌરાષ્ટ્ર અને કચ્છ: આપનો ગઢ મજબૂત સૌરાષ્ટ્રમાં ભાજપ 47% વોટ સાથે આગળ છે, પરંતુ AAP એ અહીં 28% વોટ શેર મેળવીને કોંગ્રેસને 16% પર લાવી દીધી છે. આ વિસ્તારમાં ત્રિપાંખિયો જંગ સૌથી વધુ રસપ્રદ બનશે.
2. ઉત્તર ગુજરાત: ભાજપની સેન્ચુરી ઉત્તર ગુજરાતમાં ભાજપ 51% વોટ શેર સાથે અત્યંત મજબૂત સ્થિતિમાં છે. અહીં કોંગ્રેસ 19% સાથે હજુ પણ બીજા ક્રમ માટે સંઘર્ષ કરી રહી છે, જ્યારે AAP 22% સાથે તેને ટક્કર આપી રહી છે.
3. મધ્ય ગુજરાત: કેસરીયો લહેરાયો ભાજપના ગઢ ગણાતા મધ્ય ગુજરાતમાં પક્ષ 55% વોટ શેર સાથે સર્વોચ્ચ શિખરે છે. અહીં AAP (19%) અને કોંગ્રેસ (18%) વચ્ચે બીજા સ્થાન માટે રસાકસી છે.
તારણ: કોંગ્રેસ માટે ખતરાની ઘંટડી?
આ ઓપિનિયન પોલ સાબિત કરે છે કે ગુજરાતમાં હવે ભાજપ વિરુદ્ધ કોંગ્રેસનો પરંપરાગત જંગ ભૂતકાળ બની રહ્યો છે. AAP એ ગ્રામીણ અને શહેરી વિસ્તારોમાં કરેલી આગેકૂચ કોંગ્રેસના વોટમાં ગાબડું પાડી રહી છે. જો આ જ ટ્રેન્ડ ચાલુ રહ્યો તો 2027 ની ચૂંટણીમાં મુખ્ય વિરોધ પક્ષ તરીકે કોણ હશે તે જોવું રસપ્રદ રહેશે.
Share On Social Media
અન્ય સમાચારો પણ છે...
ગુજરાત બનશે AIનું ગ્લોબલ સેન્ટર: મુખ્યમંત્રી ભૂપેન્દ્ર પટેલનો યુવા સ્ટાર્ટઅપ્સ સાથે અનોખો સંવાદ
મુખ્યમંત્રી શ્રી ભૂપેન્દ્ર પટેલના વિઝન સાથે ગુજરાત હવે AI ઈનોવેશન હબ બનવા તરફ પ્રયાણ કરી રહ્યું છે. ગાંધીનગર ખાતે યોજાયેલા AI સંવાદમાં મુખ્યમંત્રીએ દેશના ટોચના 24 સ્ટાર્ટઅપ્સ સાથે મુલાકાત કરી હતી. રાજ્યના સાયન્સ એન્ડ ટેક્નોલોજી વિભાગે Sarvam.ai સાથે ગુજરાતમાં Sovereign AI પાર્ક સ્થાપવા માટે MOU કર્યા છે.
મુસાફરોની સુવિધામાં વધારો: ગાંધીનગરથી 182 નવીન એસ.ટી. બસોને હર્ષ સંઘવી અને સીએમએ આપી લીલી ઝંડી
ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા જનસેવાની પ્રતિબદ્ધતા દોહરાવતા 182 નવીન બસોનું લોકાર્પણ કરવામાં આવ્યું છે. ગાંધીનગર ખાતે આયોજિત સમારોહમાં મુખ્યમંત્રી શ્રી ભૂપેન્દ્ર પટેલ અને નાયબ મુખ્યમંત્રી શ્રી હર્ષ સંઘવીએ રાજ્યની તમામ 182 વિધાનસભા બેઠકો માટે ફાળવવામાં આવેલી આ બસોને લીલી ઝંડી આપી પ્રસ્થાન કરાવ્યું હતું.
આત્મનિર્ભર ગુજરાત: કારીગરો માટે 'સ્વદેશી મોલ' અને ડિજિટલ સહાયની જાહેરાત
ગુજરાત સરકારે વર્ષ ૨૦૨૬-૨૭ માટે કુટીર અને ગ્રામોદ્યોગ વિભાગનું રૂ. ૯૭૯ કરોડનું બજેટ રજૂ કર્યું છે. જેમાં 'સ્વદેશી મોલ', ODOP અને કારીગરો માટે ડિજિટલ સહાય જેવી મુખ્ય જાહેરાતો કરવામાં આવી છે.
