આ રીતે ઘરે બનાવો સ્વાદિષ્ટ ‘રબડી’, નોંધી લો સ્ટેપ બાય સ્ટેપ રેસિપી

રબડી શ્રીકૃષ્ણને ખૂબ પ્રિય હોય છે. 56 ભોગોમાંથી રબડીને એક માનવામાં આવે છે. જો કે ઘણાં લોકોની ફરિયાદ હોય છે કે રબડી ટેસ્ટમાં બહાર જેવી બનતી નથી. જો કે રબડી બનાવતી વખતે અનેક નાની-નાની વાતોનું ધ્યાન રાખવુ ખૂબ જરૂરી છે. રબડી બનાવતા સમયે તમે આ વાતોનું ખાસ ધ્યાન રાખો છો તો રબડી ટેસ્ટમાં બહુ મસ્ત બને છે. તો આ રીતે ઘરે બનાવો તમે પણ રબડી.

આ રીતે ઘરે બનાવો સ્વાદિષ્ટ ‘રબડી’, નોંધી લો સ્ટેપ બાય સ્ટેપ રેસિપી

સામગ્રી

3 લીટર દૂધ

5 ચમચી ખાંડ

2 કપ બદામ

2 કપ પિસ્તા

ઇલાયચી પાવડર

2 ચમચી કેસર

બનાવવાની રીત

• રબડી બનાવવા માટે સૌ પ્રથમ એક કઢાઇ લો અને એમાં ફુલ ફેટ દૂધ ગરમ કરવા મુકો.
• પહેલા ફાસ્ટ ગેસે દૂધનો એક ઉભરો લાવી દો અને પછી ગેસ ધીમો કરીને દૂધને ઉકળવા દો.
• હવે એક નાની વાટકી લો અને એમાં કેસર અને ત્રણથી ચાર ચમચી દૂધ લો.
• ત્યારબાદ આ દૂધ ગરમ કરવા મુકો અને 1 મિનિટ માટે ઉકાળો. આમ કરવાથી દૂધમાં કેસરનો કલર સારો આવશે અને સ્મેલ પણ મસ્ત આવશે.
• દૂધ બરાબર ઉકળવા લાગે અને ઘટ્ટ થઇ જાય ત્યારે એમાં ખાંડ ઉમેરો.
• ખાંડ ઉમેર્યા પછી દૂધને સતત હલાવતા રહો. આમ કરવાથી દૂધ નીચે ચોંટશે નહિં અને ટેસ્ટ પણ સારો આવશે.
• દૂધમાં ખાંડ ઓગળવા લાગે એટલે એમાં બદામ, પિસ્તા એડ કરો. બદામ અને પિસ્તા તમારે મોટા કટ કરવાના નથી. તમારે બદામ અને પિસ્તાની કતરણ કરવાની છે.
• ત્યારબાદ એક વાટકીમાં બનાવેલું કેસરવાળુ દૂધ એડ કરો.
• કેસરનું દૂધ એડ કરવાથી રબડીનો કલર બદલાઇ જશે અને સ્મેલ પણ મસ્ત આવશે.
• ત્યારબાદ આમાં ઇલાયચી પાવડર એડ કરો.
• ઇલાયચી પાવડર એડ કર્યા પછી 5 થી 7 મિનિટ માટે ગેસ પર થવા દો, આમ કરવાથી સ્મેલ સારી આવે છે.
• હવે તમે ધ્યાનથી જોશો તો દૂધ ઘટ્ટ થવા લાગશે. જ્યારે દૂધ બરાબર ઉકળીને ઘટ્ટ થઇ જાય એટલે ગેસ બંધ કરી દો.
• તો તૈયાર છે રબડી.
• આ રબડીને તમે ફ્રિજમાં મુકીને ઠંડી કરીને પણ પી શકો છો.

Share On Social Media