રાજપીપલા : નર્મદા જિલ્લા સમાજ સુરક્ષા કચેરી તથા જિલ્લા બાળ સુરક્ષા એકમ દ્વારા તા.૨૯ મી ફેબ્રુઆરીના રોજ જિલ્લામાં બાળકો,યુવાનો મહિલાઓમાં નશાકારક દ્રવ્યોની ખરાબ અસરો અને દુરપયોગ તેના સારવાર અને પુન:સ્થાપન માટે નિવારણ, શિક્ષણ અને જાગૃતા સર્જન માટે જિલ્લા કક્ષાએ નશા મુક્તિ અંગે રમત સંકુલ વિભાગ સાથે રહી સ્પોર્ટ્સ સંકુલ રાજપીપળા ખાતે નશામુક્તિ અંગે દોડનું આયોજન કરવામા આવ્યું હતું.
આ દોડ સ્પોર્ટ્સ સંકુલ,રાજપીપળા થી શરૂ કરીને છોટુભાઇ પુરાણી હાઈસ્કુલ,રાજપીપલા સુધી દોડ સુત્રોચ્ચાર સાથે યોજવામાં આવી હતી. આ જાગૃતિ કાર્યક્રમમાં જિલ્લા રમત-ગમત અધિકારી વિષ્ણુભાઇ વસાવા, જિલ્લા સમાજ સુરક્ષા અધિકારીશ્રી ભુમિત પરમાર, જીલ્લા બાળ સુરક્ષા અધિકારીશ્રી ચેતન પરમાર, સહિત સંબધિત વિભાગના કર્મચારીશ્રીઓ અને સ્પોર્ટ્સના વિદ્યાર્થીઓ હાજર રહ્યાં હતાં.
