Sanjay Singh Arrested By ED: AAP સાંસદ સંજય સિંહની બુધવારે (4 ઓક્ટોબર) ED દ્વારા ધરપકડ કરવામાં આવી હતી. દિલ્હી લિકર પોલિસી સંબંધિત મની લોન્ડરિંગ કેસમાં EDએ આજે વહેલી સવારે દરોડા પાડવાનું શરૂ કર્યું હતું. સંજય સિંહ AAP તરફથી રાજ્યસભાના સભ્ય છે. EDએ આ કેસમાં અગાઉ તેના સ્ટાફ મેમ્બરો અને તેની સાથે જોડાયેલા અન્ય લોકોની પૂછપરછ કરી હતી.
AAPએ સંજય સિંહ સામેની કાર્યવાહીને રાજકીય ગણાવી છે. દિલ્હીના મુખ્ય પ્રધાન અરવિંદ કેજરીવાલે કહ્યું કે જેમ જેમ ચૂંટણી નજીક આવશે તેમ ED, CBI, આવકવેરા વિભાગ અને પોલીસ જેવી તમામ એજન્સીઓ સક્રિય થશે. ગઈકાલે પત્રકારોના ઘર પર અને આજે સંજય સિંહના ઘર પર દરોડા પાડવામાં આવ્યા હતા. આવા ઘણા દરોડા પાડવામાં આવશે, પરંતુ ડરવાની કોઈ વાત નથી.
