સાઉથના સુપરસ્ટાર જુનિયર એનટીઆર સ્ટારર ફિલ્મ 'દેવરાઃ પાર્ટ વન'એ બોક્સ ઓફિસ પર સારી કમાણી કરી હતી. આ ફિલ્મે વિશ્વભરમાં રૂ. 300 કરોડથી વધુનું કલેક્શન કરીને બધાને ચોંકાવી દીધા હતા. આ ફિલ્મમાં જુનિયર એનટીઆરની સાથે જ્હાન્વી કપૂર અને સૈફ અલી ખાન પણ જોવા મળ્યા હતા. હવે આ ફિલ્મ OTT પ્લેટફોર્મ પર રિલીઝ માટે તૈયાર છે. રિપોર્ટ્સનું માનીએ તો દેવરા નેટફ્લિક્સ પર 8 નવેમ્બરે રિલીઝ થવા જઈ રહી છે. નેટફ્લિક્સે આ ફિલ્મના OTT રાઇટ્સ ખરીદ્યા હતા.
આ ફિલ્મ 27 સપ્ટેમ્બરે સિનેમાઘરોમાં રિલીઝ થઈ હતી
તમને જણાવી દઈએ કે દેવરા ફિલ્મમાં સાઉથ અને બોલિવૂડ સ્ટાર્સને કાસ્ટ કરવામાં આવ્યા હતા. તેની પાછળનો ઉદ્દેશ્ય પણ ફિલ્મને દેશભરના સિનેમાઘરોમાં લઈ જવાનો હતો. આ ફિલ્મે રિલીઝ થતાની સાથે જ બોક્સ ઓફિસ પર દબદબો જમાવી લીધો હતો. આ ફિલ્મે 300 કરોડથી વધુનું વર્લ્ડવાઈડ કલેક્શન કર્યું હતું. હવે આ ફિલ્મ દેવરા OTT રિલીઝ માટે તૈયાર છે. આ ફિલ્મ નેટફ્લિક્સ પર 8 નવેમ્બર પછી જોઈ શકાશે. જુનિયર એનટીઆરની સાથે આ ફિલ્મમાં બોલિવૂડ સ્ટાર્સ જ્હાન્વી કપૂર અને સૈફ અલી ખાન પણ મહત્વની ભૂમિકામાં જોવા મળ્યા હતા.
જુનિયર એનટીઆર પણ બોલિવૂડ ડેબ્યૂ માટે તૈયાર છે
હવે સાઉથ સુપરસ્ટાર જુનિયર એનટીઆર પણ તેના બોલિવૂડ ડેબ્યૂ માટે તૈયાર છે. સાઉથમાં ઘણી સુપરહિટ ફિલ્મો આપનાર જુનિયર એનટીઆરની આ પહેલી બોલિવૂડ ફિલ્મ હશે. એનટીઆર આગામી ફિલ્મ 'વોર-2'માં જોવા મળવાના છે. આ ફિલ્મ વોરની સિક્વલ હશે, જે બોક્સ ઓફિસ પર હિટ રહી હતી. ફિલ્મમાં જુનિયર એનટીઆર સાથે રિતિર રોશન મુખ્ય ભૂમિકામાં જોવા મળશે. જો કે આ ફિલ્મની રિલીઝ ડેટ હજુ સુધી જાહેર કરવામાં આવી નથી. પરંતુ જુનિયર એનટીઆરના ફેન્સ આ ફિલ્મને લઈને ખૂબ જ ઉત્સાહિત છે. હવે જોવાનું એ રહેશે કે આ ફિલ્મ બોક્સ ઓફિસ પર વોર જેટલી સફળતા મેળવી શકે છે કે નહીં.
