દિલ્હીની રાઉઝ એવન્યુ કોર્ટે આમ આદમી પાર્ટીના ધારાસભ્ય અમાનતુલ્લા ખાનની વિરુદ્ધ નોંધાયેલા મની લોન્ડરિંગ કેસમાં તેની ED કસ્ટડી વધારી દીધી છે. વિશેષ ન્યાયાધીશ વિશાલ ગોગણેએ તેની કસ્ટડી 9 સપ્ટેમ્બર સુધી લંબાવી છે. EDએ દિલ્હી વક્ફ બોર્ડમાં ભરતીમાં કથિત અનિયમિતતા અને તેની મિલકતોને લીઝ પર આપવાના સંબંધમાં મની લોન્ડરિંગનો કેસ નોંધ્યો હતો.
EDએ 10 દિવસના રિમાન્ડની માંગણી કરી હતી
વક્ફ બોર્ડ કૌભાંડમાં ધરપકડ કરાયેલા દિલ્હીના આમ આદમી પાર્ટીના ધારાસભ્ય અમાનતુલ્લા ખાનના રિમાન્ડ 9 સપ્ટેમ્બર સુધી લંબાવવામાં આવ્યા છે. દિલ્હીની રાઉઝ એવન્યુ કોર્ટે અમાનતુલ્લા ખાનના રિમાન્ડને 3 દિવસ માટે લંબાવ્યો છે. એન્ફોર્સમેન્ટ ડિરેક્ટોરેટ (ED) એ કોર્ટ પાસે અમાનતુલ્લા ખાનના 10 દિવસના રિમાન્ડની માંગણી કરી હતી.
