યૌન શોષણના આરોપમાં આજીવન કેદની સજા કાપી રહેલા આસારામને રાજસ્થાન હાઈકોર્ટ તરફથી મહત્વની રાહત મળી છે. કોર્ટે તેને તબીબી સારવાર માટે સાત દિવસની પેરોલ મંજૂર કરી છે. તેને પોલીસ કસ્ટડીમાં સારવાર માટે મહારાષ્ટ્ર મોકલવામાં આવશે. રાજસ્થાન હાઈકોર્ટના જસ્ટિસ પુષ્પેન્દ્ર સિંહ ભાટીની આગેવાની હેઠળની ડિવિઝન બેન્ચે આ નિર્ણય સંભળાવ્યો હતો. થોડા દિવસો પહેલા આસારામની તબિયત અચાનક બગડી હતી.
અગાઉ માર્ચમાં આસારામે પુણેમાં આયુર્વેદ સારવાર માટે પેરોલની વિનંતી કરી હતી, પરંતુ રાજસ્થાન હાઈકોર્ટે તે સારવારની પરવાનગી નકારી કાઢી હતી.
