એશિયન પેરા ગેમ્સ 2026: ભારતે રચ્યો અવિશ્વસનીય ઇતિહાસ, 30 ગોલ્ડ સાથે કુલ 114 મેડલ જીતી તોડ્યા તમામ જૂના રેકોર્ડ

ઐતિહાસિક સફળતા: ભારતે પેરા રમતોમાં નવો કીર્તિમાન સ્થાપિત કર્યોજાપાનના આઇચી-નાગોયા ખાતે યોજાયેલી એશિયન પેરા ગેમ્સ 2026ના પાંચમા દિવસે ભારતીય દળે ઇતિહાસના સુવર્ણ અક્ષરે પોતાનું નામ નોંધાવી દીધું છે. સમગ્ર સ્પર્ધા દરમિયાન ભારતીય ખેલાડીઓએ અદ્ભુત રમત દાખવીને કુલ 114 મેડલ પોતાના નામે કર્યા છે.આ ભારતનું કોઈ પણ સિંગલ એશિયન પેરા ગેમ્સમાં અત્યાર સુધીનું સૌથી સર્વશ્રેષ્ઠ પ્રદર્શન રહ્યું છે. આ પહેલા હાંગઝોઉ ખાતે રમાયેલી સ્પર્ધામાં ભારતે 111 મેડલ જીત્યા હતા, જેને આ વખતે ભારતીય સ્ટાર્સે પાછળ છોડી દીધા છે.આઇચી-નાગોયામાં ભારતનો મેડલ ટેલીનો આંકડોભારતે આ વખતે ગોલ્ડનની સાથે સિલ્વર અને બ્રોન્ઝ મેડલ્સનો મોટો ખજાનો મેળવ્યો છે:ગોલ્ડ મેડલ: 30સિલ્વર મેડલ: 35બ્રોન્ઝ મેડલ: 49કુલ મેડલ સંખ્યા: 114વર્લ્ડ રેકોર્ડ અને ગોલ્ડન ધમાકા સાથે ચમક્યા ભારતીય સ્ટાર્સશૂટિંગ ઈવેન્ટમાં મોના અગ્રાવાલે મહિલાઓની 50 મીટર રાઈફલ 3 પોઝિશન SH1 સ્પર્ધામાં 357.5 ના સ્કૉર સાથે નવો વર્લ્ડ રેકોર્ડ સર્જ્યો હતો. તેણે ચીનની કુઇપિંગ ઝાંગને 3.8 પોઈન્ટના વિશાળ માર્જિનથી હરાવીને ગોલ્ડ મેડલ જીત્યો હતો.ટ્રેક ઈવેન્ટમાં સંદીપ કુમારે T44 400 મીટર સ્પ્રિન્ટમાં 52.28 સેકન્ડનો વર્લ્ડ રેકોર્ડ સમય નોંધાવીને ગોલ્ડ મેડલ મેળવ્યો હતો. આ વિજય સાથે જ ભારતે 100 મેડલનો ઐતિહાસિક આંકડો પાર કરી લીધો હતો.ફિલ્ડ ઈવેન્ટ્સમાં હાનીએ ભાલા ફેંક (જેવલિન થ્રો) F37 ઈવેન્ટમાં 60.49 મીટરનો શાનદાર થ્રો ફેંકીને નવો વર્લ્ડ રેકોર્ડ સ્થાપ્યો અને સુવર્ણ ચંદ્રક પોતાના નામે કર્યો.એથ્લેટિક્સ અને બેડમિન્ટનમાં ભારતનું એકચક્રી શાસનબેડમિન્ટનમાં પુરૂષ સિંગલ્સ SL3 ફાઇનલમાં નિતેશ કુમારે દેશના જ પ્રમોદ ભગતને હરાવીને સુવર્ણ ચંદ્રક જીત્યો, જ્યારે પ્રમોદ ભગતે સિલ્વર મેડલ મેળવ્યો. નવીન શિવકુમારે પણ પુરુષ સિંગલ્સ SL4 ઈવેન્ટમાં વિજય મેળવી ગોલ્ડ જીત્યો.   મહિલા ડબલ્સ SL3-SU5 માં તુલસીમથી મુરુગેસન અને માનસી જોશીની જોડીએ ભારત માટે 28મો ગોલ્ડ મેડલ જીત્યો.પેરા આર્ચરીમાં હરવિંદર સિંહ અને વિજય સુંડીની જોડીએ ચીનને 5-1 થી મ્હાત આપીને મેન્સ રિકર્વ ટીમ ઈવેન્ટમાં ગોલ્ડ મેડલ પ્રાપ્ત કર્યો.પેરા એથ્લેટિક્સમાં જેવલિન થ્રો ઈવેન્ટમાં સુમિત અંતિલે 72.46 મીટરના થ્રો સાથે ગોલ્ડ મેડલ જીતી પોડિયમ સ્વીપનું નેતૃત્વ કર્યું હતું. તદુપરાંત, ક્લબ થ્રો F51 માં પ્રણવ સૂરમાએ ગોલ્ડ મેડલ મેળવ્યો હતો.   દેશભરમાં ઉત્સવનો માહોલ અને ભવિષ્યની આશાઅમદાવાદ એક્સપ્રેસના ગ્રાઉન્ડ રિપોર્ટ અનુસાર, ભારતીય એથ્લેટ્સના આ અવિશ્વસનીય પ્રદર્શન બાદ દેશભરના રમતગમત વર્તુળોમાં ભારે ઉત્સાહ જોવા મળી રહ્યો છે. એથ્લેટિક્સ વિભાગે સૌથી વધુ 65 મેડલ યોગદાન આપીને ભારતની આ ઐતિહાસિક જીતમાં મહત્વની ભૂમિકા ભજવી છે.આ શાનદાર સફળતા દર્શાવે છે કે ભારતમાં પેરા-સ્પોર્ટ્સનું સ્તર હવે વૈશ્વિક ક્ષેત્રે નવી ઊંચાઈઓ સર કરી રહ્યું છે અને આગામી આંતરરાષ્ટ્રીય સ્પર્ધાઓ માટે ખેલાડીઓનો આત્મવિશ્વાસ ચરમસીમા પર છે.