નવી દિલ્હીઃ રાજધાની દિલ્હીમાં ફરી એકવાર કરોડો રૂપિયાના ડ્રગ્સનું કન્સાઈનમેન્ટ ઝડપાયું છે. આંતરરાષ્ટ્રીય બજારમાં ડ્રગ્સના આ કન્સાઈનમેન્ટની કિંમત લગભગ 900 કરોડ રૂપિયા હોવાનું કહેવાય છે. NCBના આ સફળ ઓપરેશનમાં 82.53 કિલોથી વધુ સારી ગુણવત્તાનું કોકેઈન ઝડપાયું છે.
આ મોટી કાર્યવાહી હાથ ધરતા, NCBએ ડ્રગ્સના આ મોટા કન્સાઈનમેન્ટની રિકવરી સાથે બે આરોપી લોકેશ ચોપરા અને અવધેશ યાદવની ધરપકડ કરી છે. મળતી માહિતી મુજબ કોકેઈનનું કન્સાઈનમેન્ટ દિલ્હીથી ઓસ્ટ્રેલિયા મોકલવામાં આવી રહ્યું હતું.
કોકેઈનનું આ વિશાળ કન્સાઈનમેન્ટ અમદાવાદ અને સોનીપતથી દિલ્હી લાવવામાં આવ્યું હતું. જમીન આધારિત કોકેઈનની અત્યાર સુધીની આ સૌથી મોટી જપ્તી છે. કહેવાય છે કે આ ડ્રગ્સ રેકેટનો માસ્ટર માઈન્ડ દુબઈમાં બેઠો છે અને તે દિલ્હીનો મોટો હવાલા બિઝનેસમેન છે.
