Raghav Chadha Bungalow : આમ આદમી પાર્ટી (AAP)ના રાજ્યસભા સાંસદ રાઘવ ચઢ્ઢાને મંગળવારે (17 ઓક્ટોબર) દિલ્હી હાઈકોર્ટમાંથી મોટી રાહત મળી છે. કોર્ટે કહ્યું કે રાઘવ ચઢ્ઢાએ હાલનો ટાઈપ-7 સરકારી બંગલો ખાલી કરવો પડશે નહીં.
હાઈકોર્ટે રાજ્યસભા સચિવાલયની કાર્યવાહી પરનો વચગાળાનો સ્ટે ઉઠાવી લેવાના નીચલી કોર્ટના નિર્ણયને રદ કર્યો હતો. કેસની સુનાવણી કરી રહેલા જસ્ટિસ અનુપ જે ભંભાણીએ કહ્યું કે રાજ્યસભા સચિવાલય સામે નીચલી અદાલતે આપેલો સ્ટે ઓર્ડર અકબંધ રહેશે.
જ્યાં સુધી ટ્રાયલ કોર્ટ તેમની વચગાળાની રાહત માટેની અરજી પર નિર્ણય ન લે ત્યાં સુધી આ સ્ટે અમલમાં રહેશે.
