Prince Abdul Mateen Marriage: બ્રુનેઈના પ્રિન્સ અબ્દુલ મતીન (32) ગુરુવારે લગ્ન કરી રહ્યા છે. તેની ભાવિ પત્ની યાંગ મુલિયા અનીશા 29 વર્ષની છે. બંનેના લગ્નને લઈને બ્રુનેઈમાં 10 દિવસના સેલિબ્રેશનનું આયોજન કરવામાં આવ્યું છે.
વિશ્વના સૌથી ધનાઢ્ય પરિવારોમાંના એક બ્રુનેઈના શાહી પરિવારમાં એક સામાન્ય છોકરી પ્રવેશવાની છે. અનીશાના પિતા સુલતાન હસનલ બોલ્કિયાના વિશ્વાસુ સલાહકાર રહી ચૂક્યા છે.
અશિના એક ફેશન બ્રાન્ડ ચલાવે છે અને તેનો ટુરીઝમ બિઝનેસ પણ છે. રાજકુમાર સાથે તેના લગ્ન રાજધાની બંદર સેરી બેગવાનમાં સોનાના ગુંબજવાળી મસ્જિદની અંદર થશે.
10 દિવસ સુધી ચાલેલા આ સમારોહનું સોમવારે સમાપન થશે. 1,788 રૂમના મહેલમાં ભવ્ય સમારોહ યોજાશે અને ત્યારબાદ રાજવી દંપતી શોભાયાત્રા કાઢશે.
અબ્દુલ અને અનીશાના લગ્ન સમારોહમાં આંતરરાષ્ટ્રીય નેતાઓ તેમજ વિવિધ શાહી પરિવારોના વંશજો હાજરી આપે તેવી અપેક્ષા છે. લગભગ સાડા ચાર લાખની વસ્તી ધરાવતા બ્રુનેઈમાં ઈસ્લામિક કાયદો પ્રવર્તે છે.
મતીન બ્રુનેઈનો સુલતાન બને તેવી શક્યતા ઓછી છે. તે સુલતાનનો 10મો પુત્ર છે. જોકે, સોશિયલ મીડિયા પર તેની મજબૂત ફેન ફોલોઈંગ છે.
