ચોમાસાની ઋતુને ધ્યાનમાં રાખીને, કોંકણ રેલવે માર્ગ પર ભારે વરસાદ અને સલામતીના કારણોસર, 15 જૂનથી 20 ઓક્ટોબર, 2026 સુધી મોન્સૂન ટાઈમ ટેબલ લાગુ કરવામાં આવશે. આ સમયગાળા દરમિયાન, ટ્રેનોની ગતિ મર્યાદિત રાખવામાં આવશે, જેના પરિણામે પશ્ચિમ રેલવે દ્વારા સંચાલિત 24 જોડી ટ્રેનોના સમયપત્રકમાં ફેરફાર કરવામાં આવ્યો છે. આ ફેરફારોને કારણે અમદાવાદ સહિત ગુજરાતના અનેક સ્ટેશનો પર ટ્રેનોના આગમન અને પ્રસ્થાનના સમયમાં નોંધપાત્ર બદલાવ જોવા મળશે.
મુસાફરો માટે ahmedabadexpress તરફથી મહત્વપૂર્ણ સૂચના: આ ફેરફારોમાં, અમદાવાદમાંથી પસાર થતી કેટલીક મુખ્ય ટ્રેનોનો સમાવેશ થાય છે. ટ્રેન નંબર 16311-12, શ્રી ગંગાનગર-તિરુવનંતપુરમ એક્સપ્રેસ, અમદાવાદ ખાતે સવારે 7:25 વાગ્યે પહોંચશે અને 7:35 વાગ્યે ઉપડશે. પરત ફરતી વખતે આ ટ્રેન સવારે 6:40 વાગ્યે આવશે અને 6:50 વાગ્યે રવાના થશે. તેવી જ રીતે, ટ્રેન નંબર 16333-34, વેરાવળ-તિરુવનંતપુરમ એક્સપ્રેસ, અમદાવાદ ખાતે બપોરે 3:15 વાગ્યે પહોંચશે અને 3:25 વાગ્યે ઉપડશે. પરત આવતી વખતે આ ટ્રેન સવારે 6:40 વાગ્યે પહોંચશે અને 6:50 વાગ્યે ઉપડશે.
ચાર મહત્વપૂર્ણ ટ્રેનોના નવા સમયપત્રક: ગાંધીધામ-નાગરકોઈલ એક્સપ્રેસ અને ઓખા-એર્નાકુલમ એક્સપ્રેસના અમદાવાદ ખાતેના સમય પણ અનુક્રમે બપોરે 3:15 થી 3:25 અને સવારે 6:40 થી 6:50 નક્કી કરવામાં આવ્યા છે. ટ્રેન નંબર 19260-59, ભાવનગર-તિરુવનંતપુરમ એક્સપ્રેસ, અમદાવાદ ખાતે બપોરે 3:15 વાગ્યે આવશે અને 3:25 વાગ્યે ઉપડશે. જ્યારે ટ્રેન નંબર 19578-77, જામનગર-તિરુનલવેલી એક્સપ્રેસ, અમદાવાદ ખાતે રાત્રે 2:50 વાગ્યે પહોંચશે અને 3:00 વાગ્યે રવાના થશે.
મુસાફરી કરતા પહેલાં ટ્રેનનો સમય ચકાસવાની અપીલ: ઉપરોક્ત ટ્રેનો ઉપરાંત, ટ્રેન નંબર 22908-07 હાપા-મડગાંવ એક્સપ્રેસ, 20924-23 ગાંધીધામ-તિરુનલવેલી હમસફર એક્સપ્રેસ, 20910-09 પોરબંદર-તિરુવનંતપુરમ એક્સપ્રેસ અને 22476-75 હિસાર-કોઈમ્બતુર એસી એક્સપ્રેસના સમયમાં પણ ફેરફાર કરવામાં આવ્યો છે. ahmedabadexpress મુસાફરોને વિનંતી કરે છે કે અમદાવાદથી મુસાફરી કરતાં પહેલાં ટ્રેનનો સમય ચકાસીને જ યાત્રા શરૂ કરે.
