નવી દિલ્હીઃ ફેમસ RJ સિમરને ફાંસી લગાવીને આત્મહત્યા કરી લીધી છે. સિમરનની લાશ ગુરુગ્રામના સેક્ટર-47માં તેના જ ફ્લેટમાંથી મળી આવી છે. આ ઘટના બુધવારે બની હોવાનું કહેવાય છે. પોલીસ સમગ્ર મામલાની તપાસ કરી રહી છે.
સિમરન જમ્મુના નાનક નગરની રહેવાસી હતી. તે રેડિયો મિર્ચીમાં આરજે હતી. 2021 સુધી ત્યાં કામ કર્યા પછી, તેણીએ નોકરી છોડી દીધી અને હાલમાં તે ફ્રીલાન્સિંગ કરી રહી છે. તે મનોરંજક વીડિયો પણ બનાવતી હતી.
સોશિયલ મીડિયા પ્લેટફોર્મ પર તેના લાખો ફોલોઅર્સ હતા. એકલા ઈન્સ્ટાગ્રામ પર તેના 6 લાખથી વધુ ફોલોઅર્સ હતા.
ગુરુગ્રામ પોલીસે આરજે સિમરનનો મૃતદેહ પરિવારને સોંપી દીધો છે. તેની સાથે એક મિત્ર રહેતો હતો, તેણે આ ઘટના અંગે પોલીસને જાણ કરી હતી.
