કર્ણાટકના મુખ્ય પ્રધાન સિદ્ધારમૈયા 11 જૂને બસ કંડક્ટરની ભૂમિકા ભજવશે અને 'શક્તિ' યોજના શરૂ કરશે, જે હેઠળ મહિલાઓને રાજ્ય સંચાલિત બસોમાં મફત મુસાફરી પ્રદાન કરવામાં આવશે. આ યોજના વિધાનસભાની ચૂંટણીમાં કોંગ્રેસના 'પાંચ ગેરંટી' વચનોમાંની એક છે.
સૂત્રોના જણાવ્યા અનુસાર, મુખ્યમંત્રી BMTC બસમાં મુસાફરી કરશે અને રાજ્યની રાજધાનીમાં પ્રોજેક્ટના લોન્ચિંગ પ્રસંગે મહિલા મુસાફરોને મફત ટિકિટ આપશે. તે જ સમયે, મંત્રીઓ અને ધારાસભ્યો તેમના સંબંધિત જિલ્લા અને મતવિસ્તારમાં એકસાથે સેવાઓને ફ્લેગ ઓફ કરશે.
મુખ્યમંત્રી કાર્યાલયના એક નિવેદનમાં જણાવાયું છે કે સિદ્ધારમૈયાએ ધારાસભ્યો સાથે જિલ્લા પ્રભારી મંત્રીઓને શક્તિ યોજના "જાતિ, ધર્મ અને વર્ગને ધ્યાનમાં લીધા વિના તમામ પાત્ર લાભાર્થીઓ સુધી પહોંચે" તેની ખાતરી કરવા નિર્દેશ આપ્યો છે. સિદ્ધારમૈયાએ એક નિવેદનમાં જણાવ્યું હતું કે, "તમામ જિલ્લા મંત્રીઓએ યોજનાની શરૂઆતને અર્થપૂર્ણ બનાવવા માટે પગલાં લેવા જોઈએ."
તેમણે કહ્યું કે શક્તિ યોજના રાજ્યની તે મહિલાઓને રાહત મળસે જે મોંઘવારીથી પરેશાન છે. તેમણે કહ્યું કે, "રાજ્ય સરકાર જ્યારથી સત્તામાં આવી તેના એક મહિનાની અંદર તમામ જણાવેલ બાંયધરીકૃત યોજનાઓ અમલમાં મૂકી રહી છે, તે હકીકત હોવા છતાં કે તેને ઘણા પૈસાની જરૂર છે."
