સોમવારે ગુજરાતના વડોદરા જિલ્લાના કોયલી વિસ્તારમાં આવેલી IOCLની રિફાઈનરીમાં જોરદાર વિસ્ફોટ થયો હતો. આ વિસ્ફોટ IOCL રિફાઈનરીની સ્ટોરેજ ટાંકીમાં થયો હતો. વિસ્ફોટ બાદ રિફાઈનરીમાં ભીષણ આગ ફાટી નીકળી હતી. કેટલાક કિલોમીટર દૂર ધુમાડાના ગોટેગોટા જોવા મળ્યા હતા.
નજીકની કંપનીઓમાં ગભરાટનું વાતાવરણ
આગને પગલે આસપાસની કંપનીઓમાં ગભરાટનો માહોલ છે. આગ પર કાબૂ મેળવવા માટે વહીવટી તંત્રની ટીમ ઘટનાસ્થળે પહોંચી ગઈ છે. આગ ઓલવવા માટે 10 જેટલા ફાયર એન્જિનનો ઉપયોગ કરવામાં આવી રહ્યો છે.
સ્થળ પર કંપનીના સ્થાનિક અધિકારીઓ
વડોદરાના કોયલી વિસ્તારમાં આવેલી IOCL રિફાઈનરી એ ઈન્ડિયન ઓઈલ કોર્પોરેશનની ભારત સરકારની ઉપક્રમ છે. આગની ઘટનાની માહિતી મળતાં જ સ્થાનિક અધિકારીઓ ઘટનાસ્થળે હાજર થઈ ગયા છે.
