આ અકસ્માતમાં 8 લોકોના મોત થયા છે. ટ્રક રેલવે ટ્રેક ક્રોસ કરવા માટે ટ્રેક પર દોડી રહી હતી ત્યારે આ અકસ્માત સર્જાયો હતો. પરંતુ આ દરમિયાન ટ્રેન આવી ગઈ હતી અને સામસામે અથડાતા ટ્રકના ટુકડા થઈ ગયા હતા. આજુબાજુ લોકોનું મોટું ટોળું એકઠું થયું. રોડ અને રેલ વ્યવહાર કેટલાક કલાકો સુધી ખોરવાઈ ગયો હતો. બાદમાં કાટમાળ હટાવીને રસ્તો ખુલ્લો કરાયો હતો. ત્યાર બાદ જ વાહનવ્યવહાર ફરી શરૂ થઈ શક્યો હતો.
આ ઘટના થાઈલેન્ડના પૂર્વીય પ્રાંતમાં બની હતી. અહીં એક માલગાડીએ ટ્રેક ક્રોસ કરી રહેલા પીકઅપ ટ્રકને ટક્કર મારી હતી, જેમાં 8 લોકોના મોત થયા હતા. અધિકારીઓએ આ માહિતી આપી હતી. થાઈલેન્ડના સ્ટેટ રેલ્વેના જણાવ્યા અનુસાર, આ ઘટના ગુરુવારે સવારે 2.20 વાગ્યે ચાચોએંગસાઓ પ્રાંતના મુઆંગ જિલ્લામાં બની હતી. આ અકસ્માતમાં ચાર લોકો ઘાયલ થયા છે. ટ્રક ડ્રાઈવર વિચાઈ ઉલેકે, 54, અધિકારીઓને જણાવ્યું કે તેણે ચેતવણીના હોર્ન સાંભળીને ટ્રેનને આવતી જોઈ અને ધીમી પડી, પરંતુ વાહનમાં સવાર મુસાફરોએ તેને આગળ વધવાનું કહ્યું.
ટ્રક ચાલકને ટક્કર પહેલા અકસ્માતનો અહેસાસ થયો હતો
તપાસ અધિકારીઓના જણાવ્યા અનુસાર ટ્રક ડ્રાઈવરને ટક્કર પહેલા અકસ્માતનો અહેસાસ થઈ ગયો હતો. પરંતુ તેણે ટ્રક રોકી ત્યાં સુધીમાં ઘણું મોડું થઈ ગયું હતું. રેલ્વે એજન્સીએ કહ્યું કે જ્યારે તેને ખબર પડી કે ટ્રક ટ્રેન સાથે અથડાઈ જશે તો તેણે ટ્રકને રોકવાનો પ્રયાસ કર્યો પરંતુ ત્યાં સુધીમાં સમય પસાર થઈ ગયો હતો. રેલવેએ જણાવ્યું કે અકસ્માતમાં માર્યા ગયેલાઓમાં એક 18 વર્ષીય યુવક, 20 વર્ષીય બે યુવકો અને 55 વર્ષથી વધુ ઉંમરના પાંચ લોકોનો સમાવેશ થાય છે. અકસ્માતમાં ઘાયલ ચાર યુવકોની ઉંમર આશરે 20 વર્ષની છે.
