મુંબઈ : 'રોકી ભાઈ' પરત ફરવા જઈ રહ્યા છે, યશની ફિલ્મના નિર્માતાઓ તરફથી મોટો ઈશારો મડયો છે. મેકર્સે આજે સાઉથ સુપરસ્ટાર યશની આગામી ફિલ્મ KGF 3 વિશે એક મોટી હિંટ આપી છે. KGF 2 ની રિલીઝને 1 વર્ષ પૂર્ણ થવા પર, નિર્માતાઓએ ફિલ્મના ત્રીજા ભાગને લઈને મોટી જાહેરાત કરી છે.
કન્નડ સુપરસ્ટાર યશની બ્લોકબસ્ટર ફિલ્મ KGF 2 ના ત્રીજા ભાગને લઈને લાંબા સમયથી ચર્ચાઓ ચાલી રહી છે. પરંતુ હજુ સુધી આ અંગેની સત્તાવાર માહિતી બહાર આવી નથી. આજે KGF 2 રિલીઝ થયાને 1 વર્ષ પૂર્ણ થયું છે. આ બ્લોકબસ્ટર ફિલ્મની રિલીઝને 1 વર્ષ પૂર્ણ થયાની ઉજવણી કરવા માટે, ફિલ્મની નિર્માતા કંપની હોમેબલ ફિલ્મ્સે એક મોટો સંકેત આપ્યો છે. જેને જોઈને ચાહકો ખુશી સાથે સાતમા આસમાન પર પહોંચી જવાના છે.
મેકર્સે KGF 2 ની રિલીઝની પ્રથમ વર્ષગાંઠ પર ધમાકેદાર વિડિયો રિલીઝ કરીને યશની ફિલ્મના ત્રીજા ભાગનો સંકેત આપ્યો છે.
KGF 3ના નિર્માતાઓએ કરી મોટી જાહેરાત!!
નિર્માતાઓએ એક ખાસ વિડિયો સાથે KGF 2 ની દુનિયાની ફરી મુલાકાત લીધી. એ પણ સવાલ પૂછ્યો કે 1978થી 1981 વચ્ચે યશ ક્યાં હતો? આ પ્રશ્ન અંગે ઉત્સુકતા મેકર્સ દ્વારા એક વીડિયો દ્વારા દર્શાવવામાં આવી છે. આનાથી સ્પષ્ટ છે કે KGF 3 ટૂંક સમયમાં બનવા જઈ રહી છે. જેનો ઈશારો આ વીડિયો દ્વારા આપવામાં આવ્યો છે. આ વીડિયોને શેર કરતાં નિર્માતાએ ટ્વીટમાં લખ્યું, 'સૌથી શક્તિશાળી વ્યક્તિ માટે સૌથી શક્તિશાળી વચન રાખવામાં આવ્યું છે. KGF 2 અમને અવિસ્મરણીય પાત્રો અને એક્શન સાથે એક યાદગાર પ્રવાસ પર લઈ ગયું. સિનેમાની વૈશ્વિક ઉજવણી, રેકોર્ડ બ્રેકિંગ પર્ફોર્મન્સ અને હ્રદયસ્પર્શી ફિલ્મ. યાદગાર વાર્તાઓને એક વર્ષ પૂર્ણ થયું. KGF ચેપ્ટર 2 ' જોકે, આ વિડિયોમાં, KGF 3 ને કૅપ્શન્સ દ્વારા સંકેત આપવામાં આવ્યો છે.
યશે આ વાત KGF 3 વિશે કહી હતી
યાદ અપાવીએ કે અગાઉ કન્નડ સુપરસ્ટાર યશે એક મીડિયા ઈન્ટરવ્યુમાં KGF 3 વિશે પૂછવામાં આવેલા પ્રશ્નનો ખૂબ જ રસપ્રદ જવાબ આપ્યો હતો. અભિનેતાએ કહ્યું, 'જેમ કે તમે કહી રહ્યા છો કે તમે અમારી પાસેથી સારા સમાચાર સાંભળવા માંગો છો. હું કહીશ કે મારે બે બાળકો છે. (હસે છે) ફિલ્મ વિશે, હું જાણું છું કે ઘણા બધા સમાચારો ચર્ચામાં છે. પ્રોજેક્ટની જાહેરાત થશે ત્યારે જ કંઈક કહીશ. હું બીજા બધામાં માનતો નથી. જ્યારે વસ્તુઓ સામે આવશે ત્યારે હું આવીને કહીશ.
