Karnataka Elections 2023 : ગૃહ પ્રધાન અમિત શાહે કહ્યું કે કોંગ્રેસે ચૂંટણીમાં અભદ્ર ભાષાનો ઉપયોગ કર્યો અને જનતા ચોક્કસપણે તેનો જવાબ આપશે. તેમણે કહ્યું, 'જ્યારે પણ કોંગ્રેસે મોદીજી વિરુદ્ધ આવી ઝેરી ભાષાનો ઉપયોગ કર્યો છે, ત્યારે તેમને પરિણામ ભોગવવા પડ્યા છે. આ વખતે કર્ણાટકની જનતા તેને કર્ણાટકની અંદર પણ જવાબ આપશે.
'અમારી પાર્ટીએ મુસ્લિમ આરક્ષણ ખતમ કર્યું'
ગૃહમંત્રીએ કહ્યું, 'હું માત્ર એટલું કહેવા માંગુ છું કે જો તમે મુસ્લિમ અનામતને 4% થી વધારીને 6% કરવા માંગો છો, તો કોંગ્રેસ પાર્ટીએ સ્પષ્ટ કરવું જોઈએ કે તેઓ કોને ઘટાડશે. ઓબીસી,એસસી,એસટી,લિંગાયત કે વોકલિંગ, તેઓ કોને ઘટાડશે?
ચૂંટણી પ્રચારનો છેલ્લો દિવસ
આપને જણાવી દઈએ કે કર્ણાટકમાં 10 મેના રોજ યોજાનારી વિધાનસભા ચૂંટણી માટેનો પ્રચાર સોમવારે સાંજે સમાપ્ત થઈ જશે. રાજ્યના ત્રણ મુખ્ય રાજકીય પક્ષો - ભાજપ, કોંગ્રેસ અને જેડીએસએ મતદારોને રીઝવવા માટે તેમની સંપૂર્ણ તાકાત લગાવી દીધી છે. આ પહેલા પીએમ મોદીએ કર્ણાટકમાં 10 મેના રોજ યોજાનારી વિધાનસભાની ચૂંટણી પહેલા રવિવારે સવારે બેંગલુરુમાં આઠ કિલોમીટર લાંબો રોડ શો કર્યો હતો.
દક્ષિણમાં ભાજપનો એકમાત્ર ગઢ છે
ભાજપ રાજ્યમાં સત્તા પરિવર્તનના લાંબા સમયથી ચાલી રહેલા વલણને તોડવાનો પ્રયાસ કરી રહી છે. આ ચૂંટણી ભાજપ માટે પણ મહત્વની છે કારણ કે દક્ષિણ ભારતમાં કર્ણાટક તેનો એકમાત્ર ગઢ છે.
કોંગ્રેસ અને જેડીએસનો કયા છે પ્રયાસ
જ્યારે કોંગ્રેસ આ ચૂંટણી જીતવા અને 2024ની લોકસભા ચૂંટણીમાં વિપક્ષી પાર્ટી તરીકે પોતાની જાતને સ્થાપિત કરવાનો પૂરો પ્રયાસ કરી રહી છે. બીજી તરફ, JDS હંમેશની જેમ રાજ્યના રાજકારણમાં ફરી એકવાર કિંગ મેકરની ભૂમિકા ભજવવાની આશા રાખી રહ્યું છે.
