વડોદરા : વાઇબ્રન્ટ ગુજરાત રિજિયોનલ એક્ઝિબિશન ૨૦૨૬ના બીજા દિવસે 'રેવા વેવ્સ' Reva Waves માટે એક મહત્વપૂર્ણ સિદ્ધિ નોંધાઈ હતી. ગુજરાતના મુખ્યમંત્રીશ્રી ભૂપેન્દ્રભાઈ પટેલે વડોદરા સ્થિત જી.એસ.એફ.સી. યુનિવર્સિટી કેમ્પસ ખાતે સંસ્થાના સ્ટોલની મુલાકાત લીધી હતી અને ટકાઉ સસ્ટેનેબલ આંત્રપ્રિન્યોરશિપ દ્વારા મહિલા સશક્તિકરણના તેના નવતર મોડેલની પ્રશંસા કરી હતી.
પોતાની મુલાકાત દરમિયાન, મુખ્યમંત્રીશ્રીએ રેવા વેવ્સની ટીમ સાથે મૂલ્યવાન સમય વિતાવ્યો હતો અને શહેરી તેમજ ગ્રામીણ સેલ્ફ-હેલ્પ ગ્રુપ્સની મહિલાઓને ટકાઉ આજીવિકાની તકો પૂરી પાડીને સશક્ત બનાવવાના અને તેમના દ્વારા બનાવાયેલી ઇકો-ફ્રેન્ડલી પ્રોડક્ટ્સને કોર્પોરેટ, સરકારી અને સંસ્થાકીય બજારો સાથે જોડવાના સંસ્થાના મિશન વિશે માહિતી મેળવી હતી. વેદાંત મકવાણા દ્વારા સ્થાપિત વડોદરાનું આ સ્ટાર્ટઅપ મહિલા સંચાલિત સેલ્ફ-હેલ્પ ગ્રુપ્સ માટે આર્થિક તકો ઊભી કરવાની સાથે ઇકો-ફ્રેન્ડલી પ્રોડક્ટ્સ વિકસાવવા પર ધ્યાન કેન્દ્રિત કરે છે.
મુખ્યમંત્રીશ્રી સાથેની આ વાતચીતમાં રેવા વેવ્સ દ્વારા સસ્ટેનેબલ પ્રોડક્ટ ડેવલપમેન્ટ, માર્કેટ લિંકેજ અને જવાબદાર મેન્યુફેક્ચરિંગના ક્ષેત્રમાં કરવામાં આવી રહેલા કાર્યોને આવરી લેવામાં આવ્યા હતા. મુખ્યમંત્રીએ એન્ટરપ્રાઇઝ દ્વારા સેવા પૂરી પાડવામાં આવતા ટાર્ગેટ માર્કેટ્સ અને પ્રોડક્ટ્સની પર્યાવરણીય ટકાઉપણું, જેમાં વપરાયેલી સામગ્રીના બાયોડિગ્રેડેબિલિટીનો પણ સમાવેશ થાય છે. તે અંગે પૂછપરછ કરી હતી. તેમણે મહિલાઓ માટે આજીવિકાની તકો ઊભી કરવાની સાથે પર્યાવરણ પ્રત્યે જવાબદાર વિકલ્પોને પ્રોત્સાહન આપવા માટે સંસ્થાની પ્રતિબદ્ધતાને બિરદાવી હતી.
મુખ્યમંત્રીશ્રીએ રેવા વેવ્સ દ્વારા અપનાવવામાં આવેલા સંકલિત અભિગમની પ્રશંસા કરી હતી, જેમાં મહિલા સશક્તિકરણ, ઉદ્યોગસાહસિકતા અને પર્યાવરણીય ટકાઉપણાને એકસાથે લાવીને માપી શકાય તેવો સામાજિક પ્રભાવ ઊભો કરવામાં આવી રહ્યો છે. તેમના પ્રોત્સાહક શબ્દો અને પ્રશંસાએ ટીમને તેના મિશનને વધુ વિસ્તારવા માટે મજબૂત પ્રેરણા પૂરી પાડી હતી.
"પ્રદર્શન દરમિયાન માનનીય મુખ્યમંત્રીશ્રીની મુલાકાતથી મળેલી સ્વીકૃતિ અને પ્રશંસા બદલ અમે સૌ આભાર વ્યક્ત કરીએ છીએ. આવું પ્રોત્સાહન સંસ્થાને સર્વસમાવેશક આજીવિકા, જવાબદાર ઉત્પાદન અને સમુદાય આધારિત નવીનતા દ્વારા 'સસ્ટેનેબલ ભારત'ના નિર્માણ તરફના તેના પ્રયાસોને વધુ મજબૂત કરવા પ્રેરણા આપે છે. ગુજરાતના આ ફ્લેગશિપ પ્રદર્શનમાં મળેલી આ ઓળખ એવા સામાજિક સાહસોના વધતા મહત્વને દર્શાવે છે જે સમુદાયના વિકાસ સાથે ટકાઉ વ્યવસાયિક પદ્ધતિઓનો સમન્વય કરે છે, અને 'વિકસિત ભારત ૨૦૪૭'ના વિઝનમાં પોતાનું યોગદાન આપે છે," તેમ રેવા વેવ્સના સ્થાપક વેદાંત મકવાણાએ જણાવ્યું હતું.
