રાજપીપળા : નર્મદા જિલ્લાની એકમાત્ર રાજપીપળા નગરપાલિકા નાં કર્મચારીઓ એ ૧૫ મી ઓગષ્ટે એક અનોખો કાર્યક્રમ કર્યો જેમાં દર વર્ષે પાલિકા દ્વારા કર્મચારીઓનું સન્માન કરવામાં આવે છે ત્યારે આ વર્ષે કર્મચારીઓ એ પાલિકા પ્રમુખ અને સદસ્યો નું સન્માન કર્યું હતું.
રાજપીપળા નાં સરદાર ટાઉનહોલમાં નગરપાલિકાનાં કર્મચારીઓ એ તેમના દસ વર્ષથી અટવાયેલા ઈપીએફ નાં નાણાં પાલિકા યુવા પ્રમુખ કુલદીપસિંહ ગોહિલ અને પાલિકા સદસ્યો તેમજ મુખ્ય અઘિકારી રાહુલ ઢોડિયા નાં સહિયારા પ્રયાસો થી આ વર્ષે પરત મળ્યા હોય આં નાણાં ની કર્મચારીઓ એ આશા રાખી ન હતી પરંતુ આટલા વર્ષો બાદ પણ પાલિકાની હાલની બોડી દ્વારા નાણાં મળતાં કર્મચારીઓ ખુબ ખુશ થયા હતા અને સમગ્ર ટીમનો આભાર વ્યક્ત કરવા સ્વાતંત્ર્ય દિને ટાઉનહોલ ખાતે કર્મચારીઓ એ પાલિકા ની આ ટીમનો સન્માન સમારંભ યોજી તમામ નું સન્માન કર્યું હતું.
આ તબક્કે પાલિકા પ્રમુખ કુલદીપસિંહ ગોહિલે સૌ કર્મચારીઓ ની કામગીરી ને બિરદાવી તેમનો પણ આ સન્માન બદલ આભાર વ્યક્ત કર્યો હતો.
