મહેશ એલ.સોની નખત્રાણા : સૈયાજી નગર ગૃહ (અકોટા) વડોદરા શહેર મધ્યે નિધિ ફાઉન્ડેસનના ઉપક્રમે તારીખ ૧૭/૧૨/૨૦૨૪ના રોજ ઇન્ટરનેશનલ કક્ષાનો એવોર્ડ સમારોહ યોજાઈ ગયો. જેમાં નિધિ પ્રોડક્ટની મેકઅપ સહિતની અન્ય પ્રોડક્ટ યુઝ કરતા ગુજરાત સહિત દેશભરના મેકઅપ આર્ટિસ્ટોને નિમંત્રણ આપવામાં આવ્યું હતું. આ એવોર્ડ્સ વિતરણ સમારોહમાં જાણીતી ટીવી અભિનેત્રી રૂપાલી ગાંગુલી સહિત દેશની અનેક જાણીતી સેલિબ્રિટી હાજર રહી હતી.
એવોર્ડ સમારોહમાં મૂળ ભુજના પણ હાલે અમદાવાદ રહેતા દિપાબેન સોનીનું વિશિષ્ટ સન્માન ટીવી સીરિયલની જાણીતી અભિનેત્રી રુપાલી ગાંગુલી (અનુપમા ટીવી સિરિયલની એક્ટ્રેસ)ના હસ્તે ટ્રોફી આપી સન્માનિત કરવામાં આવ્યું હતું .પ્રસ્તુત તસવીરમાં દિપાબેન સોની સાથે રૂપાલી ગાંગુલી દૃશ્યમાન થાય છે.
