ઈસ્લામાબાદઃ ભારતનો પાડોશી દેશ પાકિસ્તાન તાજેતરમાં આવેલા ભૂકંપના જોરદાર આંચકાથી હચમચી ગયો છે. નેશનલ સેન્ટર ફોર સિસ્મોલોજી અનુસાર, આ ભૂકંપ પાકિસ્તાનમાં બપોરે 1 વાગ્યે આવ્યો હતો. રિક્ટર સ્કેલ પર તેની તીવ્રતા 5.8 આંકવામાં આવી છે. ભૂકંપની તીવ્રતાની અસર અફઘાનિસ્તાનથી લઈને ભારત સુધી અનુભવાઈ હતી.
જયપુર, ચંદીગઢ, દિલ્હી અને નોઈડા સહિતના ભારતીય શહેરોમાં ભૂકંપના હળવા આંચકા અનુભવાયા હતા. અત્યાર સુધી પ્રાપ્ત માહિતી અનુસાર ભારતમાં કોઈ નુકસાનના સમાચાર નથી. નેશનલ સિસ્મોલોજી સેન્ટરે આ માહિતી આપી હતી. તેમણે જણાવ્યું કે ભૂકંપનું કેન્દ્ર પંજાબના અમૃતસરથી 415 કિલોમીટર પશ્ચિમમાં હતું. અન્ય વિગતોની રાહ જોવાઈ રહી છે.
