અમદાવાદ : પંજાબની લાખો મહિલાઓની રાહનો અંત આવ્યો. બુધવારે ભગવંત સિંહ માન સરકારે પોતાની છેલ્લી અને સૌથી મોટી ગેરંટી પૂર્ણ કરતાં મહિલાઓના બેંક ખાતામાં ₹1000ની સન્માન રકમ જમા કરી દીધી. ધુરીમાં મુખ્યમંત્રીએ એક વેબ લિંક લોન્ચ કરીને મુખ્યમંત્રી માવાં-ધીયાં સત્કાર યોજનાનો શુભારંભ કર્યો. સરકારે એક સાથે ત્રણ મહિનાની કિસ્ત જારી કરી છે. સામાન્ય વર્ગની મહિલાઓને ₹3000 અને દલિત મહિલાઓના ખાતામાં ₹4500 ટ્રાન્સફર કરવામાં આવ્યા છે. 2022માં આમ આદમી પાર્ટીએ પાંચ ગેરંટી આપી હતી. આજે છેલ્લું ચૂંટણી વચન પણ પૂર્ણ થઈ ગયું. બીજી તરફ, આમ આદમી પાર્ટીના રાષ્ટ્રીય સંયોજક અરવિંદ કેજરીવાલે યોજનાના શુભારંભ પર પંજાબની મહિલાઓને અભિનંદન પાઠવ્યા.
અરવિંદ કેજરીવાલે સોશિયલ મીડિયા X પર કહ્યું કે આજે પંજાબ માટે ખૂબ મોટો દિવસ છે. પંજાબની માતાઓ અને બહેનો માટે ખૂબ મોટો દિવસ છે. અત્યાર સુધી બધાએ પંજાબને લૂંટ્યું. ભગવંત માન પંજાબના પહેલા મુખ્યમંત્રી છે, જેમણે પંજાબને લૂંટ્યુ નથી અને સમગ્ર સરકારી પૈસા લોકોને પહોંચાડ્યા છે. પંજાબને લૂંટનારા આજે માતાઓ અને બહેનોને ગાળો આપી રહ્યા છે, ભગવંત માનને ગાળો આપી રહ્યા છે. પરંતુ તેઓ સમજી લે કે હવે પંજાબ બદલાઈ ચૂક્યુ છે. હવે પંજાબ ઝડપથી વિકાસના માર્ગ પર આગળ વધી રહ્યુ છે.
બીજી તરફ, ધુરીમાં યોજનાનો શુભારંભ કરીને પંજાબના મુખ્યમંત્રી ભગવંત સિંહ માને કહ્યું કે આજથી બેંકની પ્રક્રિયા શરૂ થઈ ગઈ છે અને કોઈપણ સમયે ફોન પર મેસેજનો અવાજ આવી શકે છે. આજથી સન્માન રકમ આવવાની શરૂ થઈ જશે. લોકોને બાળકોની ફી ભરવાની છે, અભ્યાસ અથવા અન્ય કોઈ કામમાં ખર્ચ કરવો છે અથવા કોઈ ઉધાર ચૂકવવાનું છે. મારી પાસે ઘણા દિવસોથી ઘણા વિડિઓ આવી રહ્યાં છે જેમાં મહિલાઓ કહી રહી હતી કે તેમણે 2 તારીખનું વચન આપીને ઉધાર લીધું છે કે 2 જુલાઈએ પૈસા આવશે. તેમણે કહ્યું કે આ યોજનામાં જનરલ કેટેગરીની મહિલાઓને ₹1000 અને દલિત માતાઓને ₹1500 મળશે. આ ખૂબ મોટી યોજના છે અને તેને ત્યારે શરૂ કરવામાં આવી છે જ્યારે એ પાક્કું થઈ ગયું કે કોઈપણ પરિસ્થિતિમાં તેને બંધ નહીં કરવામાં આવે. આ યોજના હેઠળ હંમેશા પૈસા આવશે અને આ યોજના પાછી લેવામાં આવશે નહીં.
આ દરમિયાન ભગવંત સિંહ માને વિરોધીઓ પર પણ પ્રહાર કર્યા. તેમણે કહ્યું કે વિરોધી પાર્ટીના લોકો કહે છે કે ₹1000 અથવા ₹1500થી મહિલાઓનું શું થશે. વિરોધીઓએ ક્યારેય ગરીબી જોઈ નથી. તેથી કદાચ તેમના માટે આ કંઈ ન હોય, પરંતુ મેં ગરીબી જોઈ છે, જ્યાં લોકો ₹5ની ચા પત્તીનો પણ હિસાબ રાખે છે. તેમણે કહ્યું કે રીત-રિવાજો મુજબ દીકરીના બાળકોને શગૂન આપવા માટે હવે માતાઓએ પોતાના પતિ અથવા પુત્રો તરફ જોવું નહીં પડે. હવે મહિલાઓ પાસે પોતાના પૈસા હશે અને તેમનું સન્માન જળવાઈ રહેશે. તેથી જ આ યોજનાનું નામ માવાં-ધીયાં સત્કાર યોજના રાખવામાં આવ્યું છે. પહેલા લગ્નોમાં દીકરીના ગામમાંથી આવેલા જાનૈયાઓને શગૂન આપીને તેમનું સન્માન કરવામાં આવતું હતું, જેથી દીકરીને ગર્વ અનુભવાતો હતો કે તેના પિયર તરફથી લોકો આવ્યા છે. મેરેજ પેલેસ સંસ્કૃતિએ આ પરંપરા સમાપ્ત કરી દીધી છે.
ભગવંત સિંહ માને મહિલાઓને કહ્યું કે તેઓ મને પોતાનો પુત્ર અથવા ભત્રીજો સમજે, હું તેમનો વિશ્વાસ નહીં તોડું. આ વિશ્વાસ ટ્રાન્સફર થઈ રહ્યો છે, આજથી તમારા ફોન પર વિશ્વાસના મેસેજ આવવાના શરૂ થશે. ભાષણ દરમિયાન જ મહિલાઓના ફોન પર પૈસા આવવાના મેસેજ આવતાં તેમણે ખુશી વ્યક્ત કરતાં કહ્યું કે પહેલો મેસેજ આવી ગયો છે અને હવે મોબાઇલ બોલી રહ્યા છે તથા પૈસા આવી રહ્યા છે. ઘણી રેલીઓમાં પુરુષો પણ ખૂબ ખુશ થઈને તાળીઓ પાડતા હતા કારણ કે મહિલાઓને પૈસા મળવાથી તેમનો પણ આર્થિક બોજ હળવો થશે.
ભગવંત સિંહ માને કહ્યું કે આ પંજાબની તમામ માતાઓ-બહેનોનું સત્કાર છે. અરવિંદ કેજરીવાલ અને આમ આદમી પાર્ટી એ જ વિચાર સાથે બની હતી કે સામાન્ય જનતાના પૈસા કોઈ ને કોઈ સ્વરૂપમાં ફરી સામાન્ય જનતાને જ મળવા જોઈએ. પછી ભલે આમ આદમી ક્લિનિક અને હોસ્પિટલ બનાવીને, રસ્તાઓ બનાવીને, નોકરીઓ આપીને, મફત વીજળી આપીને અથવા નહેરોનું પાણી આપીને, કોઈપણ રીતે પૈસા સામાન્ય લોકો સુધી પહોંચવા જોઈએ.
ભગવંત સિંહ માને જણાવ્યું કે મહિલાઓના ખાતામાં જુલાઈ, ઑગસ્ટ અને સપ્ટેમ્બરના ત્રણ મહિનાના પૈસા એક સાથે આવી રહ્યા છે. જો કોઈ ઘરમાં ત્રણ માતાઓ હશે તો તેમના ₹9000 એક સાથે આવશે. મહિલાઓને પૈસા મળવા બદલ તેમને અભિનંદન આપતાં ભગવંત સિંહ માને કહ્યું કે આ મેસેજોને સોશિયલ મીડિયા પર મૂકતા રહેજો જેથી તે વિરોધી પાર્ટીના લોકોનું મોં બંધ થઈ જાય, જે કહેતા હતા કે આ યોજના ક્યારેય અમલમાં નહીં આવે.
આમ આદમી પાર્ટી ગુજરાત
