જેનું મોત થયું તે જ ખૂની નીકળ્યો…કેલિફોર્નિયામાં ભારતીય પરિવારના મૃત્યુ કેસમાં મોટો ખુલાસો

અમેરિકાના કેલિફોર્નિયામાં એક કપલ અને તેમના જોડિયા બાળકોના મોતને લઈને એક ચોંકાવનારો ખુલાસો સામે આવ્યો છે. સાન માટો પોલીસના જણાવ્યા અનુસાર, આનંદ સુજીત હેનરીએ સૌથી પહેલા તેની પત્ની અને ચાર વર્ષના જોડિયા પુત્રોની હત્યા કરી હતી. પછી પોતાને ગોળી મારી. તેમ છતાં પોલીસ આ મામલે ઝીણવટભરી તપાસ કરી રહી છે. તમને જણાવી દઈએ કે, બે દિવસ પહેલા પરિવારના ચારેય સભ્યોના મૃતદેહ તેમના ઘરમાંથી શંકાસ્પદ હાલતમાં મળી આવ્યા હતા.

મૃતકોની ઓળખ 42 વર્ષીય આનંદ સુજીત હેનરી, તેમની પત્ની એલિસ પ્રિયંકા બેન્ઝિગર (40) અને તેમના 4 વર્ષના જોડિયા છોકરાઓ તરીકે થઈ છે. ન્યૂયોર્ક પોસ્ટ અનુસાર, પહેલા એવી શંકા હતી કે કોઈએ પરિવારની હત્યા કરી છે. જોકે, હવે પોલીસે સ્પષ્ટ કર્યું છે કે આ હત્યા બાદ આત્મહત્યાનો મામલો છે. એટલે કે પહેલા આનંદે પરિવારની હત્યા કરી. પછી તેણે પોતે પણ આત્મહત્યા કરી લીધી.

બાળકોના શરીર પર કોઈ ઈજાના નિશાન નથી

બાથરૂમમાંથી કપલની લાશ મળી આવી હતી. જ્યારે બેડરૂમમાંથી બાળકોના મૃતદેહ મળી આવ્યા હતા. સેન માટો પોલીસ વિભાગે એક નિવેદનમાં જણાવ્યું હતું કે, બાથરૂમમાં દંપતીના મૃતદેહ પાસે 9 એમએમની હેન્ડગન પણ મળી આવી હતી. આ રીતે ઘટનાને અંજામ આપવામાં આવ્યો હતો.

પોલીસનું કહેવું છે કે મેટ્રોના ભૂતપૂર્વ કર્મચારી આનંદ સુજીત હેનરી ચારેય મૃત્યુ માટે જવાબદાર હતા. તપાસમાં જાણવા મળ્યું છે કે પ્રિયંકા બેન્ઝિગરનું મોત ગોળી વાગવાના કારણે થયું હતું. જ્યારે આનંદના શરીર પર માત્ર એક જ ગોળીનો ઘા જોવા મળ્યો હતો. પરંતુ ગોળી વાગવાથી બંને બાળકોનું મોત થયું ન હતું. તેમજ તેના શરીર પર કોઈ ઈજાના નિશાન જોવા મળ્યા નથી. તેમના મૃતદેહને પોસ્ટમોર્ટમ માટે મોકલી દેવામાં આવ્યા છે. રિપોર્ટ આવ્યા બાદ બાળકોની હત્યા કેવી રીતે કરવામાં આવી તે સ્પષ્ટ થશે.

છૂટાછેડાની અરજી 2016માં આપવામાં આવી હતી

મળતી માહિતી મુજબ આનંદ અને પ્રિયંકા મૂળ કેરળના હતા. તે છેલ્લા 9 વર્ષથી અમેરિકામાં રહેતા હતા. આનંદ, જેઓ મેટા અને ગૂગલ કંપનીઓમાં મેનેજર તરીકે કામ કરી ચૂક્યા છે અને તેમની પત્ની આઈટી પ્રોફેશનલ્સ હતા. પરિવારના જણાવ્યા અનુસાર બંને ખૂબ જ મહેનતુ હતા. વર્ષ 2016માં તેમણે છૂટાછેડા માટે કોર્ટમાં અરજી પણ કરી હતી. જો કે, તેમના છૂટાછેડા થઈ શક્યા ન હતા. ત્યારબાદ બંનેને જોડિયા પુત્રો પણ થયા. માત્ર બે વર્ષ પહેલાં આ દંપતીએ 2.1 મિલિયન ડોલરનું પોતાનું ઘર પણ ખરીદ્યું હતું. ચારેય આમાં રહેતા હતા.

હાલમાં સાન માટો પોલીસ આ કેસની દરેક પાસાઓથી તપાસ કરી રહી છે. ઘટનાસ્થળેથી કોઈ સુસાઈડ નોટ મળી નથી. ઘર સીલ કરી દેવામાં આવ્યું છે. આ મામલે વધુ તપાસ ચાલી રહી છે.