પાટણ જિલ્લાના રાધનપુર નેશનલ હાઈવે પર ત્રિપલ અથડામણ સર્જાઈ હતી, જેમાં એકનું મોત અને બીજાને ગંભીર ઈજાઓ પહોંચી હતી. આ અકસ્માતમાં પીપલી ગામ નજીક ત્રણ ટ્રેલર અથડાતા ડ્રાઈવર અને કંડક્ટર અંદર ફસાઈ ગયા હતા. ઇમરજન્સી સેવાઓ અને સ્થાનિક રહેવાસીઓ ઘટનાસ્થળે દોડી આવ્યા હતા અને ફસાયેલા લોકોને બહાર કાઢવા માટે ક્રેનનો ઉપયોગ કર્યો હતો.
બનાવની જાણ થતા રાધનપુર પોલીસ તાત્કાલીક દોડી આવી હતી. મૃતકના મૃતદેહને પોસ્ટમોર્ટમ માટે મોકલવામાં આવ્યો છે, જ્યારે ઘાયલ વ્યક્તિને સારવાર માટે નજીકની હોસ્પિટલમાં ખસેડવામાં આવ્યો છે. અધિકારીઓએ કેસ નોંધી જરૂરી કાર્યવાહી હાથ ધરી છે. વધુમાં, હાઇવે ઓથોરિટીની એક ટીમે અકસ્માતની પોતાની તપાસ કરવા માટે સ્થળની મુલાકાત લીધી હતી.
