Wholesale Price Index: મોંઘવારી પર ફરી એકવાર દેશવાસીઓ માટે સારા સમાચાર છે. રિટેલ બાદ જથ્થાબંધ ફુગાવાના આંકડામાં ઘટાડો જોવા મળ્યો છે. મે મહિનામાં જથ્થાબંધ મોંઘવારી દર શૂન્યથી ઘટીને 3.48 ટકા પર આવી ગયો છે. આ ત્રણ વર્ષનું સૌથી નીચલું સ્તર કહેવામાં આવી રહ્યું છે. ખાદ્યપદાર્થો, ઈંધણ અને ઉત્પાદિત ચીજવસ્તુઓના ભાવમાં ઘટાડો થવાને કારણે જથ્થાબંધ ફુગાવો ઘટ્યો છે. આ સતત બીજો મહિનો છે જ્યારે જથ્થાબંધ ભાવાંક આધારિત ફુગાવો શૂન્યથી નીચે છે.
જથ્થાબંધ ફુગાવો 16.63 ટકા રહ્યો
એપ્રિલમાં તે (-) 0.92 ટકા હતો. મે 2022માં જથ્થાબંધ ફુગાવો 16.63 ટકા હતો. મે 2023નો ફુગાવાનો આંકડો ત્રણ વર્ષમાં સૌથી નીચો છે. અગાઉ મે, 2020માં જથ્થાબંધ ફુગાવો (-) 3.37 ટકા હતો. સરકારી આંકડા મુજબ મે મહિનામાં ખાદ્ય ફુગાવો ઘટીને 1.51 ટકા થયો હતો. એપ્રિલમાં તે 3.54 ટકા હતો.
મે મહિનામાં માઈનસ 2.97 ટકા
વાણિજ્ય અને ઉદ્યોગ મંત્રાલયે જણાવ્યું હતું કે, "મે મહિનામાં જથ્થાબંધ ફુગાવામાં ઘટાડો મુખ્યત્વે ખનિજ તેલ, મૂળભૂત ધાતુઓ, ખાદ્ય ઉત્પાદનો, કાપડ, બિન ખાદ્ય ચીજવસ્તુઓ, ક્રૂડ પેટ્રોલિયમ અને કુદરતી ગેસ, રસાયણો અને રાસાયણિક ઉત્પાદનોના નીચા ભાવને કારણે હતો." ઇંધણ અને વીજળીમાં ફુગાવાનો દર ઘટીને (-) 9.17 ટકા થયો. એપ્રિલમાં તે 0.93 ટકા હતો. મે મહિનામાં ઉત્પાદિત ઉત્પાદનોનો ફુગાવો માઈનસ 2.97 ટકા હતો.
છૂટક ફુગાવો 4.25 ટકા
એપ્રિલમાં તે માઈનસ 2.42 ટકા હતો. રિટેલ ફુગાવો પણ મે મહિનામાં 4.25 ટકાના 25 મહિનાના નીચલા સ્તરે આવી ગયો છે. અગાઉ મે 2023માં રિટેલ મોંઘવારી દર 25 મહિનાના સૌથી નીચા સ્તરે આવી ગયો હતો. ખાદ્ય ચીજવસ્તુઓ અને ઈંધણ ઉત્પાદનોના ભાવ ઘટવાને કારણે મોંઘવારી ઘટી છે. છૂટક ફુગાવો 4.25 ટકાના 25 મહિનાના નીચલા સ્તરે આવી ગયો છે.
